LECCIÓN 4
¿Imamandata shuj Bibliata llujchina minishtirirca?
República Democrática del Congo
Ruanda
Griego shimipi versión de Símaco (siglo III o IV). Salmo 69:31pimi Diospa shutita ricuchin.
Testigo de Jehovacunaca tauca huatacunatami shujcuna traducishca Bibliacunata imprimishpa, utilizashpa, gentecunaman saquinajurca. Shinapash, Dios munashcashna ‘na llullashpa villajuj Shimita’ gentecuna jahualla intindichunga shuj Biblia minishtirishcatami ricurca (1 Timoteo 2:3, 4). Chaimandami 1950 huatapica, Traducción del Nuevo Mundo Bibliapa huaquin librocunata inglés shimipi llujchi callarirca. Traducción del Nuevo Mundo Bibliapica ñaupa tiempopi Dios escribichishcataca tucuita ali catishpami 130 yali idiomacunaman traducishcaa.
Intindirinalla Biblia minishtirijpi. Tiempo yalijpica idiomacunapash cambianmi, tauca Bibliacunapash cunanbi na intindirinalla shimicunatami charin. Ashtahuanbash ñaupa tiempopi Bibliapa escribishcacunata tarishcamandami hebreo, arameo, griego shimipi escribishcacunata ashtahuan ali intindichun ayudashca.
Tucuita ali yachachij Biblia minishtirijpi. Ñaupa tiempopi Dios escribichishcata ali catishpami Bibliata traducijcunaca traducina can. Shinapash tauca Bibliacunata ricujpica Diospa shuti Jehovataca na charinllu.
Diosta jatunyachij Biblia minishtirijpi (2 Timoteo 3:16). Traducción del Nuevo Mundo Bibliata traducinajushpaca, ñaupa tiempopi Bibliapa escribishcacunata ricushpami Diospa shutitaca casi 7 mil viaje cutin churashca. (Ura chaqui esquinapi fotota ricupai.) Ashtaca huatacunata ali investigashpa traducishcamanda, Diospa yachachishcacunata ali intindichishcamandami cai Bibliataca cushijushpa liingapaj munapanchi. Cada punlla Bibliata liinaca alipachami can (Josué 1:8; Salmo 1:2, 3)
¿Imamandata Traducción del Nuevo Mundo Bibliata llujchina minishtirirca?
Diospa munaita yachangapaca ¿imatata cada punlla rurana capanchi?
a Traducción del Nuevo Mundo Bibliaca, quichua Imbabura shimipica nara tiapanllu. Chai Bibliata liingapaj munashpaca español shimipi liipangui.