LECCIÓN 16
Siervo ministerialcunaca ¿imatata ruran?
Myanmar
Plataformapi
Villachinaman llujshina tandanajuipi
Tandanajui Huasita fichajun
Bibliapica ninmi ‘superintendentecunapash siervo ministerialcunapashmi’ congregacionbi minishtirishca cosascunata ruran nishpa (Filipenses 1:1, NM ). Casi cada congregacionbimi chai huauquicunaca tian.
Ancianocunatami ayudan. Siervo ministerialcunaca jovengunapash mayorllacunapashmi tian. Chai huauquicunaca espiritualmente ali cashpami aliguta pensarishpa imatapash ali ruran. Congregacionbi minishtirishca cosascunata rurashpami ninanda ayudan. Shinami ancianocunaca tandanajuicunapi yachachingapaj, huauquicunata ricuriashpa ayudangapaj tiempota charin. Ñucanchita ayudangapaca ¿imatallata siervo ministerialcunaca ruran?
Minishtirishca cosascunatami ruran. Huaquin siervo ministerialcunaca acomodador shina sirvishpami tandanajuicunaman shamujcunata chasquin. Shujcunaca publicaciongunata entregashpa, congregacionba cuentata ricushpa, maijan territoriopi villachinata nishpa, sonidota ricushpami ayudan. Shinallata Tandanajui Huasi limpio, ali cachunbashmi ricurian. Ashtahuanbash ancianocunapa nishcacunata catishpami ruculla huauquigucunata, payalla panigucunata ayudan. Imata rurana cajpipash tucuita uchalla, ali rurajpimi siervo ministerialcunataca congregacionbi huauquicunaca respetan (1 Timoteo 3:13).
Shujcunapa ali ejemplomi can. Espiritualmente ali catinajuj huauquicunatami siervo ministerialcuna cachun agllan. Paicunaca tandanajuicunapi ali yachachishpami ñucanchi feta shinlliyachin. Villachinaman llujshishpami ñucanchipash tucui shunguhuan villachichun animan. Tucuipi ayudashpami cushilla tandanajushca cachun ñucanchita ayudan (Efesios 4:16). Jipamanga paicunapashmi ancianocuna tucuita ushan.
Siervo ministerialcunaca ¿imashinata can?
Congregación ñaupajman catichunga ¿imapillata siervo ministerialcunaca ayudan?