Escuelacunapi disparaicuna tiashcamandaca | Bibliapica ¿imatata nin?

24 de mayo de 2022​taca Uvalde, Texas, Estados Unidos llactapimi shuj jatun llaqui tiarca. The New York Times periodicopi nishca shinaca, “shuj jarimi Robb escuelapi 19 huahuacunata y ishcai profesoracunata disparashpa huañuchirca”.

Cashna llaquicunaca ashtahuanmi mirashpa catishca. USA Today periodicoca nircami: ‘1970​manda cunangamanga, solo Estados Unidospillami cai último huatapica 249 viajeta escuelacunapi disparaicuna tiashca’.

¿Imamandata cashnapacha llaquicunaca tian? Chashna llaquicunamandaca ¿imashinata cuidarita ushanchi? ¿Ima horapash chashna llaquicunaca tucuringacha? Biblia imata nijta ricupashun.

•  Bibliapica ninmi, ‘último punllacunapi’ gentecunaca ‘familiata na juyajcuna, millai millaicunami’ canga. Ashtahuangarin ninmi, chashna nali gentecunaca “ashtahuan peormi tucunga” (2 Timoteo 3:1-5, 13). Ashtahuan yachangapaj munashpaca “Cai punllacunapi gentecuna imashina canataca ¿Bibliapica villajurcachu?” temata ricupangui.

Ashtaca gentecunaca ¿imamandata Taita Diosca escuelacunapi disparaicuna tiachun saquin?’ nishpami tapurin. Biblia imata nijta yachangapaca “¿Imamandata ali gentecunapash llaquicunata charin?” temata ricupangui.

•  Romanos 15:4​pica ninmi: ‘Punda tiempopi Taita Dios escribichishca shimica, ñucanchita yachachingapami can. Ashtahuangarin ñucanchitaca shinlli tucuchun y aguantachunmi ayudan’.

Bibliapi consejocunami cai nali mundopi causaita aguantachun ayudaita ushan. Ashtahuan yachangapaj munashpaca ¡Despertad! revistapi “Acabará algún día la violencia” temata ricupangui.

Noticiacunata ricushpa huahuacuna ama yapata manllarichun taitamamacuna imata ruranata yachangapaca “¿Imashinata noticiacunaca huahuacunata afectan?” temata ricupangui.

•  Salmo 72:14​pica ninmi: ‘Ninandapacha llaquichi tucujushcamandapash llujchingami’.

•  Miqueas 4:3​pica ninmi: ‘Espadacunata tacashpami, azadongunata ruranajunga. Lanzacunataca, hocescunamanmi tigrachinajunga. Shuj llactahuan, caishuj llactahuan fiñanajushpa, espadahuan macanajunapash na tiangachu. Macanajunata yachajunapash, na ashtahuan tiangachu’.

Taita Diosca gentecuna imata na rurai ushashcatami ruranga. Taita Diospa Gobiernomi tucuilla armacunata, tucuilla nali ruraicunata tucuchinga. Taita Diospa Gobierno imacunatalla ruranata yachangapaca “Diospa Reinoca casilla ali causaigutami apamunga” temata ricupangui.