Culquimanda problemacunaca mundo enteropimi ashtahuan miranajun | Bibliapica ¿imatata nin?

Junio de 2022​pi shuj entrevistapica, Grupo del Banco Mundialpa presidenteca cashna nishpami advirtirca: “Economiaca mundo enteropimi empeoragrijun. Porque tucuipa preciocuna subishca jahuapash, gentecunaca mayoriami culqui faltalla causanajun. Chaimi imaguta randitapash ñana ushan”.

Fondo Monetario Internacionalpash cashnami nin: “Gasolinapa y micunacunapa preciocunapash jaicatami subishca. Y chaica pobre llactacunatami ashtahuan afectashca”.

Culquimanda problemacuna imamanda tiashcata intindichunga Bibliami ayudan. Shinallata chai problemacunata imashina chimbapuranatapash y shamuj punllacunapi cai problemacuna para siempre tucurinatapashmi Bibliapica yachachin.

• Cunanbi causanajushca tiempotaca Bibliapica ‘último punllacunami’ cashcatami nin (2 Timoteo 3:1).

• Jesusca, cai tiempopica ‘manllanai cosascunami’ ricuringa nircami (Lucas 21:11). Preciocuna subinajujta ricushpami gentecunaca ninanda manllarinajun. Shinallata jipa punllacunapicarin imashi tucushun, familiatapash imashinashi mantinishun nishpami ninanda preocuparin.

• Bibliapi Apocalipsis libropica, cunan tiempopi micunapa preciocuna ashtahuan subinataca ñami nijurca. “Oí algo que parecía una voz. . . . Decía: “Un litro de trigo o tres litros de cebada costará el pago de un día laboral entero’” (Apocalipsis 6:6, Easy-to-Read Version Biblia).

’Último punllacunamanda’ y Apocalipsis libropi parlashca profeciamanda ashtahuan yachangapaca, Huata 1914​pimi cai mundopi nali cosascunaca ashtahuan ricuri callarirca nishca videota ricupangui. Shinallata “Apocalipsis libropi chuscu caballopi tiarishcacunaca ¿imatata ricuchin?” nishca tematapash liipangui.

• “Huasicunata shayachishpami, chaipi causanajunga. Uvas chagrata tarpushpami, chaipi fucushcata micushpa causanajunga. Shujcuna causanajuchunga, na huasichinajungachu. Shujcuna micuchumbash, na tarpunajungachu. Ñuca agllashcacunaca, quirucunashna unaitami causanajunga. Ñuca agllashcacunaca, paicunapaj maquihuan imatalla rurashcahuanmi cushijushpa causanajunga” (Isaías 65:21, 22).

• “Pambapipash, jahua urcu umacunapipash, granocuna tiachunmi maqui jundata shitanajunga. Chai muyumi, Líbano urcu quirucunashna tsal nijuj chagracuna fucunga. Pueblopi causajcunapash, pambapi jihua sisanshnami canga” (Salmo 72:16).

• “Mandaj Diosca [o Jehová Diosca], cashnami nin: “Imagutapash na charijcunata llaquichishcamanda, imagupash illajcuna aij nishpa huacanajujmandaca cunanga, ñucami shayarigrini. Chai llaquihuan jatunda llaquirijcunataca, ñucami quishpichigrini” ninmi” (Salmo 12:5).a

Culquimanda problemacunataca ñallami Taita Diosca para siempre tucuchinga. Pero na solo shuj llactapillaca tucuchingachu, sino mundo enteropimi tucuchinga. Caimanda ashtahuan yachangapaca “¿Pobrella causaica ima horapash tucuringacha?” nishca temata liipangui.

Preciocuna subinajujpipash Bibliami cunanbillata chaita chimbapurai ushachun ayudan. Pero ¿imashinata ayudan? Culquita aliguta utilizanata yachachunmi Bibliapica tauca consejocuna tian (Proverbios 23:4, 5; Eclesiastés 7:12). Caimanda ashtahuan yachangapaca “Culquiguta ali utilizapashunchi” y “¿Imashinata ashalla culquiguhuan causaita ushanchi?” nishca temacunata liipangui.