Apostolcuna muscuipishna ricushcami ñucanchi feta shinlliyachin

9:1-7

Jesús punchapamba tucushca cajpimi Jehová Diosca cashna nirca, “caimi, ñuca juyashca Churigu” can nishpa. Shina nijta uyashpaca Jesusca ninandami cushijushcanga. Chaita uyanami llaquicunata chimbapurachun Jesustaca ayudagrijurca. Apóstol Pedro, Santiago, Juanbash chaita ricushpaca ninandami manllarishcanga. Shinapash chaita ricunami Jesús Mesías cashcata crichun apostolcunataca ayudarca. ‘Dios ima nishcata villajcuna villashca shimipi’ shinlli feta charichunmi apóstol Pedrotaca ayudarca. Chaita ricushcataca apóstol Pedroca 32 huatacuna jipapashmi yarirca (2Pe 1:16-19).

Ñucanchicuna chaita na ricushca cashpapash, chai muscuipishna ricushcacuna cunanbi pactarijujtami ricupanchi. Cunan punllacunapica jahua cielopimi Jesusca ña rey shina mandajun. Ñallami cai alpata mandashpa shuj ali causaiguta caramunga (Apoc 6:2).

Bibliapa profeciacuna pactarijta ricunaca ¿imashinata quiquindaca ayudashca?