Всимирно потопо: кон пошундяпэ, а кон нат?

Бут мануша дро дэвэса Ноёскирэ кэрнас холямыпэна. Джиибэн 6:5

Адамо и Ева бияндэ чаворэн и чайорьен и прэ пхув кана уже исыс бут манушэн. Через саво да времё явир ангилы кэтанэ Бэнгэса гэнэ против Дэвлэстэ.

Онэ змэкнэпэ прэ пхув и лэнэ пэскэ манушытко облико, собы тэ лэн пал пэстэ джювлен. Адалэ джювля бияндэнас дриван зоралэн, холямэн манушэн.

Саро миро пхэрдыя холямэнса манушэнса. Э Библия ракирэл: «Со мануша лынэ бут тэ кэрэн фуипэн прэ пхув, со сарэ лэнгирэ думки и илэ исыс холямэ прэ кажно дывэс».

Ноё пошундя Дэвлэс и скэрдя ковчего. Джиибэн 6:13, 14, 18, 19, 22

Ноё исыс лачё мануш. Яхва пхэндя Ноёскэ, со камэл тэ умарэл холямэн манушэн дро потопо.

Дэвэл адякэ жэ припхэндя Ноёскэ, собы ёв кэрдя баро ковчего и лэя дрэ лэстэ пэскири семья, ското и зверен.

Ноё ракирлас манушэнгэ, со сыго явэла потопо, нэ онэ на шунэнас лэс. Екх санаспэ прэ Ноёстэ, явир дриван лэс на камэнас.

Коли ковчего исыс скэрдо, Ноё залыджия дрэ лэстэ саро ското и зверен.