Со чейнэ тэ кэрэс, собы э семья тэ явэл бахталы?

Камлыпэн дрэ семья чейнэ, собы э семья исыс бахталы. Эфесянэнгэ 5:33

Дэвлэскиро законо ваш э семья дасаво, собы ромэстэ исыс екх ромны, а ромнятэ екх ром.

Если о ром камэл пэскирья ромня, то ёв ла полэл и ёй дрого ваш лэскэ.

Ромнякэ чейнэ тэ подрикирэл пэскирэс ромэс.

Чаворэнгэ чейнэ тэ шунэспэ э дадэс и э да.

На яв холямо и на чурдэ пэскири семья, а яв лачо и ракх пэскири семья. Колосянэнгэ 3:5, 8—10

Дро Дэвлэскиро Лав ракирэлпэ, со э ромэскэ чейнэ тэ камэс пэскирья ромня сыр кокоро пэс, и ромнякэ чейнэ тэ рикирэл бари патыв ангил ромэстэ.

Э ромэскэ нашты тэ пасёс чужонаса джювляса, сави нанэ лэскири ромны, и джювлякэ адякэ жэ. Муршэскэ чейнэ тэ лэс палором только екха джювля.

Яхваскиро Лав сыклякирэл о семьи, сыр онэ тэ явэн бахталэ.