• Soske te de lafi e Jehovaske kaj ka služine leske hem te krstine tut?
    Ov bahtalo zasekogaš — biblisko kursi

    • 2. Kola bereketija dela o Jehova ple krstime slugenge?

      Keda krstinea tut, tu ovea delo tari e Jehovaskiri bahtali familija. Tegani, tu ka osetine leskoro mangipe ko but načinija hem ka ove lea popaše nego so sian akana. (Čitin Malahija 3:16-18.) Na samo so tegani o Jehova ka ovel tlo Dad, nego isto agjaar ka ovel tut duhovno familija taro phralja hem phenja ko celo sveto, kola so mangena e Devle hem mangena tut. (Čitin Marko 10:29, 30.) Džangjola pe, angleder te krstine tut valjani te kere nesave bukja. Valjani te sikljove bašo Jehova, te mange le hem te ovel tut vera ko leskoro Čhavo. Ko krajo, tu mora te de lafi e Jehovaske kaj ka služine leske celo životo. Ako kerea sa akala bukja hem krstinea tut, tu ka šaj te ove bahtalo zasekogaš. E Devleskoro Lafi vakerela: „O krstibe... akana spasinela tumen da“ (1. Petrovo 3:21).