6 LEKCIJA

Objasnin soske čitinea o stiho

Jovan 10:33-36

SO TE KERE: Ma čitin samo o stiho bizo te objasnine le. Trudin tut o javera jasno te haljoven sar adava stiho tano povrzimo adalea so mangea te vakere.

SAR TE KERE ADAVA:

Istaknin o glavna lafija. Otkeda ka čitine o stiho, istaknin o lafija soj direktno povrzime e glavno mislaja so mangea te vakere la. Akava šaj te kere agjaar so ka povtorine adala lafija ili ka puče pučibe so ka pomožinel e javerenge korkori te haljoven kola tane o glavna lafija.

Ako mangea te povtorine o stiho tle lafencar, trudin tut o javera jasno te haljoven sar o lafija tari Biblija poddržinena i glavno misla so vakerea la.
Istaknin i glavno misla. Ako vakergjan i pričina soske čitinea o stiho, objasnin sar o važna lafija taro stiho tane povrzime adale pričinaja.

Džikote kerea lafi bašo stiho, i Biblija neka ovel tuke phravdi. Agjaar ka pomožine e manušenge te povrzinen tle lafija e stihoja so čitingjan le.
Objasnin o stiho ko ednostavno način. Izbegin te objasnine detalija so nane povrzime e glavno mislaja. Razmislin bašo adava kobor o javera džanena baši tema so kerea lafi. Adava ka pomožinel tuke te odlučine kobor informacie te vakere te šaj polokhe te haljoven i glavno misla.