Ο Ιησούς σικαντάς κο τζενέ καζόμ μπουτ τζιτζίνελα λένγκε ο Ιεχωβά. (Ιωάν. 14:9) Οντουλέντζαρ σο βακερέλας ντα κερέλας σικλιαρντάς ότι ο Ιεχωβά τζιτζίνελα ντα τθερέλα αγάπη ι ατελή τζενένγκε ντα μανγκέλα τι βοηθίνελ-λεν. Ο Ιησούς βοηθιντάς ι αμαρτωλόν τι μανγκέν τι αλλάνεν πουμαρί ζωή ντα τι ακολουθίνεν-λες. (Λουκ. 5:27, 28) Ο Ιησούς τζανέλας ότι κα θυσιάνελας πι ζωή. Μπουτ φαρ βακερντάς πι μαθητένγκε ότι κα προδόντιβελας ντα κα καρφώντιβελας κο κας. (Ματθ. 17:22· 20:18, 19) Τζανέλας ότι ανταγιά θυσία κα λέλας ντουρ ι αμαρτία κατά ντουνιάς. Επίσης ο Ιησούς βακερντάς ότι αφού κα ντέλας πι ζωή, σοράν ανταλέσταρ κα “ταρτίνελας σαβέ τι μανγκές τζενέν πέστε”. (Ιωάν. 12:32) Οντουλά σο κα πακιάνας κο Ιησούς ντα κα μαρένας-πες τι μοιάζεν λέστε κα κερένας ι Ιεχωβάσκο γκι. Αν κα κερένας-λες ανταβά, ο αποτέλεσμας κα αβέλας τι “ελευθερώντιβεν κατά αμαρτία”. (Ρωμ. 6:14, 18, 22· Ιωάν. 8:32) Οτθάρ, ο Ιησούς μπίνταρανες μανγκλάς τι μερέλ ανταλέ μπέτι τροπόσαρ για τι σώνελ-αμέν.​—Ιωάν. 10:17, 18. w24.08 σ. 5 ¶11, 12

Ντεν-τουμέν γκοντί σαρ νιωσάλεν ι πρώτη φαρ σο ασουντέν ι αλήθεια κατά Λάφι ι Ντεβλέσκο. Σικλιλέν ότι τουμαρό Ντατ σο ισί κο ουρανός τθερέλα τουμένγκε αγάπη ντα ότι μανγκέλα τι αβέν αντρέ λέσκε φαμιλιάτε. Επίσης, σικλιλέν ότι ντινάς ι υπόσχεση τι τσσιναβέλ ι ντουκχ ντα ο βάσανα, ότι τθερένα ι ελπίδα τι ντικχέν τουμαρέ αγαπημέ τζενέν σο μουλέ τι αναστίντιβεν, ντα μπουτ γιαβερά πράγματα. (Μάρκ. 10:29, 30· Ιωάν. 5:28, 29· Ρωμ. 8:38, 39· Αποκ. 21:3, 4) Ανταλά αλήθειες ερεσλέ τουμαρέ γκίστε. (Λουκ. 24:32) Μανγκλέν οντουλά σο σικλιλέν, ντα να μπορίνενας τι ατσσικιαρέν ανταλά σουκάρ αλήθειες σάντε τουμένγκε! (Ντικχέν Ιερεμίας 20:9.) Κάνα μανγκάσα μπουτ ι αλήθεια ι Γραφιάκι, να μπορίνασα τι ατσσικιαράς-λα αντρ’ αμέντε. (Λουκ. 6:45) Νιωθίνασα σαρ ο μαθητές ι Ιησούσκε κο πρώτος αιώνας, σο βακερντέ: «Ναστί τσσιναβάσα τι κεράς λάφι οντουλένγκε σο ντικχλάμ ντα ασουντάμ». (Πράξ. 4:20) Νιωθίνασα αζόμ μπαρί αγάπη ι αληθειάκε σο μανγκάσα τι μουτθαβάς-λα αζόμ πο μπουτ τζενέντε αβέλα-πες. w24.05 σ. 15 ¶5· σ. 16 ¶7

Σαρ λαός ι Ιεχωβάσκο, μουτθαβάσα κο γιαβερά ο λατσσέ αμπέρια επειδή μανγκάσα αμαρέ Νταντές σο ισί κο ουρανός ντα μανγκάσα τι βοηθίνας ι τζενέν τι σικλιόν λέσκε. Μερικέ τζενένγκε όμως, ισί δύσκολος τι αρακχέν χαρά κο έργος. Σόσκε; Μπέκιμ ισί μπουτ λατζανέ ντα να τθερένα μπέσα πουμαρέ νεαυτόστε. Γιαβερά να νιωθίνενα λατσσές τι τζαν κο κχερά κι τζενένγκε χωρίς τι καλίνεν-λεν. Μερικοί μπέκιμ νταρένα ότι κα πάλντεν-λεν. Μερικοί χουρντιαρέλα μπερί μπέκιμ σικλιλέ ότι νανέ λατσσό τι τθερέν διαφωνίες ι γιαβερέντζαρ. Ανταλά πφραλά ντα πφενιά δυσκολίντιβενα τι βακερέν ο λατσσέ αμπέρια κο τζενέ σο να τζανένα-λεν. Μήπως μπάζιμα δυσκολίντιβενα τι αρακχέν χαρά κο έργος ιτιρί κατά αισθήματα ανταλά; Άμα βα, μα χασαρέν τουμαρί ζορ. Άμα να τθερένα μπέσα τουμαρέ νεαυτόστε, ανταβά μπέκιμ τι σικαβέλ ότι ισινέν ταπεινοί ντα να μανγκένα τι ταρτίνεν οπρά-τουμέντε ι προσοχή. Σικαβέλα επίσης ότι να μανγκένα τι τθερέν διαφωνίες ι γιαβερέντζαρ. Ντα καέκ τζενό να μανγκέλα τι πάλντεν-λες, ειδικά κάνα προσπαθίνελα τι κερέλ λατσσιπέ κο γιαβερά. Τουμαρό Ντατ σο ισί κο ουρανός τζανέλα λατσσές ο δυσκολίες σο νακχαβένα ντα μανγκέλα τι ντελ-τουμέν ι βοήθεια σο χρειαζίντιβενα.​—Ησ. 41:13. w24.04 σ. 14 ¶1, 2