2Mozesh

32 O nipo dikhlas ke o Mozesh inke chi avilas tele pa o plaj. Anda kado kethane avile, thaj kado phende le Aroneske: „Ushtyi opre, thaj ker amenge jekh Devles, kon sikavel amenge o drom, ke chi zhanas so pelas le Mozeshesa, kodole manushesa, kon avri andas amen anda le Edyiptomeski phuv.” 2 O Aron pe kado, kodo phendas lenge: „Kiden tele le somnakune zlaga pa tumare romnyange, shavenge, thaj shejange kana, thaj anen len mande.” 3 Thaj e nipo avri kidas e somnakune zlaga anda penge kana, thaj kothe ingerdas len kaj o Aron. 4 Voj las lendar e somnakaja, thaj kerdas anda lende terna guruvnya. Pe kado kodo phende: „Izraelesko nipo! Kado si tyiro Del, kon avri andas tut anda Edyiptomeski phuv!” 5 Kana o Aron dikhlas kado, oltaro kerdas leste, thaj kado cipindas: „Tehara le Jehovasko baro dyes avla!” 6 Kaver dyes, apol detehara sigo opre ushtyile te sikaven variso angla le somnakuni ternyi guruvnyi. O nipo phabarimasko, thaj pachako kothe dinimo das les, thaj tele beshle te xan, thaj te pen. Pala kado las te khelen thaj voja te keren. 7 O Jehova atunchi kodo phendas le Mozesheske: „Zha tele sigo, ke kas avri andan anda le Edyiptomeski phuv, baro bexez kerde! 8 Phendem lenge, pe savo drom te phiren. De sigo rigate gele pa kodo. Ternya guruvnya kerde anda somnakaja, changa den angla late, thaj sikaven angla late, thaj kado phenen: »Izrael, kado si tyo Del, kon avri andas tut anda Edyiptomeski phuv!«” 11 O Mozesh kade rudyindas kaj o Jehova, kaj pesko Del: „Muro Del, Jehova, sostar kerdyilan xojariko pe tyiro nipo, pala kodo, pala soste bare, thaj zurale vastesa avri andan len andar le Edyiptomoski phuv? 12 Sostar te phenen le edyiptomicka: »Nasule gindosa ingerdas len avri. Kamlas te mudarel le plaja, thaj tele kamelas te khosel len pe phuv.« Te nacholtar tyiri bari xoji. Gindin perdal pale so kames te keres, thaj na mar tyire nipos kadale nasulimasa. 13 Gindin palpale po Abraham, po Izhak thaj po Izrael pe tyire slugi, kaske colaxardan pe tute, thaj kado phendan lenge: »Bute shaven dav tut, kattyi zhene avna sar po cheri le cherhaja, tyire shavorenge dav le intrego phuv, savo tuke sikadem, ke mindig tumari te avel.«” 14 O Jehova pe kado pale, perdal gindindas so te kerel, thaj chi mardas nasulimasa peske nipos, sar angla kodo phendas.