Mate

5 Kadale deshudujen bishaldas o Jezush, haj kado phendas lenge: „Na zhan kaj kaver nipura, haj ande chi jekh Samariake foro, 6 feder kaj le Izraelesko xasarde bakre zhan pale, thaj pale. 7 Sar zhan, den duma: »Pashe si le cheresko krajipo.« 8 Sastyaren le nasvalen, le mulen ushtyaven opre, le leprashon uzharen, le demonon nashaven avri. Tume jive lineles, anda kado jive den majdur. 16 Dikhen! Kade bishavav tumen sar bakren mashkar le ruva. Anda kadi len sama, haj aven godyavera, sar le sapa, haj uzhe jileske, sar le gulumbura. 17 Len sama le manushenca, ke perdal den tumen la krisake, thaj maren tumen ande pengi zhinagogi. 18 Angla raja thaj angla kraja ingrena tumen anda mande. Kade zhanena te phenen lenge, thaj le niponge, ke ande soste patyan. 29 Ke, na duje cine chirikjan den pe jekh xurdo love? Haj inke, chi jekh chi perel tele pe phuv, kade te na zhanelas tumaro Dad. 30 De voj vi kodo zhanel, ke sode bal si po tumaro shero. 31 Anda kado na daran, tume majbut keren, sar le cine chirikja! 34 Na gindinen, ke anda kodo avilem, pacha te anav pe phuv. Na anda kado avilem, pacha te anav, feri xanro. 35 Ke anda kodo avilom, ke xapo te kerav o shavo, haj mashkar lesko dad, e shej haj mashkar laki dej, e bori haj mashkar laki sokra. 36 Ova, le manusheske lesko nyamura avna leske xojarde. 37 Kon majfeder kamel peska da, vaj dades, sar man, voj naj dosta patyivalo karing mande. Kon majfeder kamel peske shaves, vaj sheja, sar man, voj naj dosta patyivalo karing mande.