Mate

4 Atunchi o duxo opre ingerdas le Jezushes ande pusta, thaj o Beng zumadas les. 2 Thaj pala 40 dyes, thaj 40 ratyi chi xalas khanchi, bokhajlas. 3 Atunchi o zumado kothe gelas leste, thaj kado phendas leske: „Le Devlesko Shavo te san, phen kadale barrenge, te kerdyon manre.” 4 De voj kade das palpale vorba: „Iskirime si: »Na feri manresa te trajil o manush, de sako vorbasa so ande le Jehovasko muj avilas avri.«” 5 Pala kodo o Beng, ingerdas les ando sunto foro, thaj pe khangerako opruno than tordyardas les, 6 thaj kado phendas leske: „Le Devlesko Shavo te san, shudetu tele, ke iskirinde si: »Vorba del pe peske andyalonge«, thaj »pe pengi palmi inkrena tut, te na malaves tye punre ando barr«.” 7 O Jezush kado phendas leske: „Vi kado iskirime si: »Te na zumav le Jehovas, tye Devles.«” 8 Pale pesa ingerdas les o Beng, akanak pe jekh zurales ucho plaj, thaj sikadas leske sako krajipe ande luma, thaj kodolengo baripe, 9 thaj kado phendas leske: „Kadala sa tuke dav, feri jekhvar bandyuv tele angla mande, thaj patyivin man.” 10 Atunchi o Jezush kado phendas leske: „Zhatar kathar, Beng! Ke iskirime si: »Le Jehovas, tye Devles patyivin, thaj feri leske ker sunto slugipe.«” 11 Atunchi mukhlas les o Beng, thaj andyala avile te slugin les. 17 Kathar kadi vrama das duma pe kodo o Jezush: „Bunun tumare bezexa, ke pashal si le Devlesko krajipo.” 23 Pala kado o Jezush anda le intrego Galilea phirdas, thaj sityarelas ande le zhinagogi, phenlas le krajipeski lashi vorba, thaj sastyardas sogodi nasvalipe, thaj sako bangipe mashkar le manusha.