Roma

15 Chi hatyarav, ke so kerav, ke na kodo kerav, so kamav, feder kodo kerav, so me gracoj. 16 De kana kodo kerav, so chi kamav, atunchi vi me kado phenav, ke e krisi lashij. 17 Thaj akanak, na me kerav kado, feri o bezex, so beshel ande mande. 18 Ke zhanav, anda mande, anda muro teshto naj khanchi lasho. O lasho kamav te kerav, de chi zhanav te kerav. 19 Ke na o lasho kerav, so me kamav, feder o nasul, so chi kamav. 20 Apol, kana kado kerav, so chi kamav te kerav, atunchi, na me kerav kodo, feri o bezex, so beshel ande mande. 21 Kadi krisi rakhav ande mande: kana kodo kamav te kerav, so lashoj, atunchi o nasul si ande mande. 22 Kodo manush, kon majandral som, lossh rakhel ande le Devleski krisi, 23 de dikhav jekh kaver krisi ande muro teshto, savo marelpe mura godyake krisasa, thaj la bezexake krisake phangleske shol man, so ande muro teshto si. 24 Sosko bibaxtalo manush som! Kon slobodisarel man anda kado teshto, so ande o meripo zhal? 25 Najisaras le Devleske, ke slobodisarel man perdal pa o Jezush Kristush, amaro Raj! Apol mura godyasa le Devleske krisako sluga som, de muro teshtosa le bezexake krisako sluga som.