1Peter

5 Apol me, kon vi me phuro sim, thaj kothe somas kana o Kristush dukha trajilas perdal. Thaj sar varikon, pe kaste dichola lesko baripo, pe kado mangav mashkar tumende le phuren: 2 grizhinen pale Devleske bakre, so pe tumende, phurende mukhle, na anda kodo ke pe tume zuraren, anda tumaro jilo, angla o Del; thaj chi anda kodo te na, te barvajven, pale ando lashipe; 3 chi kade te na, ke daraven kodolen, kon le Devlesko nipo si, pale kade, ke tumare trajosa lashe drom sikaven le bakrenge. 5 Vi kade, tume terne mursha, mukhen tume le phurenge. Savorazhene te inkrel majbareske kaveren kathar peste, ke o Del chi mukhel le phutyardenge, de kodolenca dragimasa grizhil, kon kaveren patyivin. 6 Bandyaren tume tala le Devlesko zuralo vast, te vazdel tumen opre, kana kothe si e vrama, 7 thaj tumari sako dar pe leste mukhen, ke voj grizhil pe tumende. 8 Te aven godyavera, thaj len sama. Tumaro xojari o Beng, opre-tele phirel, sar jekh bari vadno muca, kon cipil, thaj pe kodo si, te xal varikas. 10 Pala kado, kana zhi kaj jekh skurto vrama pharimata trajinde perdal, o Del, kastar avel sako dragimo, so chi phirel, thaj kon akhardas tumen pasha o Kristush, pe pesko biagoresko asharimo, voj zhutil tumen t’aven zorasa, thaj atunchi tume kasave zurales zhanen te tordyon, ke khanchi chi mishkila tumen.