Исход
4 О Моисеё стердя дуй барунэ скрижали, савэ сас кацавэ жэ, сар и пэрви, и кала ущеля тэсара май рано, во вазгляпэ по плай Синаё, сар и ԥэндя лэсти о Иегова. Андэ вас лэстэ сас дуй барунэ скрижали. 5 О Иегова змэкляпэ андэ туча, терделя котэ паша лэстэ и ԥэндя лэ Иеговаско алав. 6 О Иегова прожыля англа лэстэ и ԥэндя: «Иегова, Иегова, добро Дэл, во полэл и жалуий анда вся оди, на грабий тэ холявэл, никала на ашавэл и лэстири преданно любовь фартэ бари. 7 Во сыкавэл преданно любовь каринг и тысячи, простий и дош, о бэзэх и кала жан против законо, но всаек просытярэл кодэлэн, ко дошало. Важ лэ дадэнго бэзэх о Дэл просытярэл лэ шавэн и лэ внуконэн жы кай трито и штарто поколения». 14 На тэлён аврэ дэвлэсти, важ кода кай о Иегова камэл, кай тэ тэлён кати лэсти. Во Дэл, саво камэл, кай тэ тэлён кати лэсти 23 Тривар андо бэрш всаворэ мурша трэбуй тэ авэн каринг о чачуно Ӷосподо, Иегова, кай о Израильско Дэл. 24 Мэ видаравава тумэндар и народоря и стерава, кай тумэндэ авэла май бари тиритория, и нико на закамэла тумари ԥув, кала тумэ тривар андо бэрш лэна тэ ԥирэн каринг тумаро Дэл Иегова, кай тэ авэн англа лэстэ.