Nehemiy

10 Antu abula kashe ku mupak winou awiy ay:

9 Ni In Levi anay: Jeshuwa mwan wa Azaniya, Binuwi wa mu dijuku da Enadad, Kadimiel, 10 ni anamakwau Shebaniya, Hodiya, Kelita, Pelaya, Hanan, 11 Mika, Rewob, Ashabiya, 12 Zakur, Sherebia, Shebaniya, 13 Hodiya, Bani ni Beninu.

14 Pamwing nau antakel a antu anay: Parosh, Pat-mowab, Elam, Zatu, Bani, 15 Buni, Azigad, Bebay, 16 Adoniya, Bigivay, Adin, 17 Ater, Ezekiyas, Azur, 18 Hodiya, Ashum, Bezay, 19 Arif, Anatot, Nebay, 20 Magipiyash, Meshulam, Ezir, 21 Meshezabel, Sadok, Jaduwa, 22 Pelatiya, Hanan, Anaya, 23 Osheya, Hananiya, Ashub, 24 Alohesh, Pila, Shobek, 25 Rehum, Ashabina, Maseya, 26 Akija, Hanan, Anan, 27 Maluk, Arim ni Bana.

28 Chad antu akwau, charumburik anch in kupesh, In Levi, in kulam yis, in kuwang, atushalapol a ku tempel* ni antu awonsu aurika nau antu a michid mulong wa kuziyin ku Chijil cha Nzamb wakin, pamwing nau akajau, anau amakuny ni amband, ni awonsu ading akweta ronganyin ni mutapu wa kov kurumburik* kwa mupak wakwatau, 29 ibomba pamwing nau anamakwau, antu ajim, ni achipa* anch akuziyin ku Chijil cha Nzamb wakin, chapanau kud Moses kashalapol wa Nzamb wakin, ni anch akulimish kamu nawamp yijidik yawonsu ya Nsalejetu Yehova, mipak yend ni mbil jend. 30 Achipa anch: “Tukuyatishap anetu amband kud antu a michid yiney, ni anetu amakuny tukuyatinap anau amband.

31 Anch antu a michid yiney ez ni yom yau ni yakuda ya mitapu yawonsu mulong wa kutulandishay pa dichuku da Sabat ap pa dichuku dikwau ditumbila, tukuyilandap chom ap chimwing. Tukwangulap kand mbut ap kwadin dibaz mu muvu wa sambwad.

32 Chikwau kand, etu awonsu twashilamu kal kupan chikunku chimwing pa yisatu cha shekel* muvu wawonsu, mulong wa mudimu wa ku chikumbu cha* Nzamb wetu, 33 mulong wa mikat ya kulong,* mulambu wa yakuda* wa chisu chawonsu, yakupesh ya kosh ya chisu chawonsu ya Masabat ni kwarik kwa ngond, mulong wa misambu yatenchikau kal, yom yitumbila, yakupesh ya chitil ya kwit nich dilikishin da In Isarel, ni mulong wa midimu yawonsu ya ku chikumbu cha Nzamb wetu.

34 Chikwau kand, twata kal ubal mulong wa kwijik chisu chifanyidinau in kupesh, In Levi nau antu akwau a mu majuku metu kulet nkuny ku chikumbu cha Nzamb wetu muvu wawonsu, mulong wa kosh nich yakupesh pa chintamb cha Yehova Nzamb wetu, mud mufundinau mu Chijil. 35 Muvu wawonsu, tukuletang kand ku chikumbu cha Yehova mbut ja kusambish tukwangula mwi ngand yetu ni mabuj ma kusambish ma mitond yawonsu. 36 Ni mud mufundinau mu Chijil, tukuletang kand anetu a kusambish ni an a kusambish a annam etu: an a kusambish a angomb etu, amikoku etu ni ampemb etu. Tukuyiletang ku chikumbu cha Nzamb wetu, kud in kupesh akata kusal mudimu ku chikumbu cha Nzamb wetu. 37 Kupwa, tukuletang kand mulambu wa wung wetu wa kusambish ulimina, yipan yetu, mabuj ma mitond yawonsu, maar ma nviny masu ni many. Tukuyiletang kud in kupesh, mu tupalakany twa kulamin yom twa* chikumbu cha Nzamb wetu. Tukuyinkishang kand In Levi chadikum* cha yom tukwangula mwi ngand yetu, mulong In Levi awiy akata kusendang chadikum cha yom yawonsu tukata kwangul mu misumb yetu.

38 Mwin kupesh uda mwan wa Aron, ufanyidin kwikal pamwing nau In Levi chisu chikusendangau chadikum; ni In Levi afanyidin kudoshang chadikum pa chadikum chikuyinkishangau ni kuchipan ku chikumbu cha Nzamb wetu, mu tupalakany twa kulamin yom. 39 Mulong mu tupalakany twa kulamin yom mwawiy mufanyidinau In Isarel nau In Levi kulet milambu ya yakuda, maar ma nviny masu ni many, ni mwawiy kand mulamidiningau malong ma mu tempel, ni mwawiy mweziningau in kupesh akata kusal mudimu, in kulam yis ni in kuwang. Tukuduulap chikumbu cha Nzamb wetu.”