Hün se Tese tä ‘Ạitu ma ‘on Kạutạunạ‘iget?

1. Hün se tese tä ‘Ạitu fu‘ạki e lelea‘ Isirel ‘e ‘on tạusa?

‘Ạitu fu‘ȧk vạhia tör ‘on Eprahama la hanuet, ma na‘ia se irisa foho. Ma iạ he‘ hanue ta “Isireli” ma re iris la matạ‘ua te ne mou se titi‘ạkiag aier ta ma ‘on fäega. (Salamo 147:19, 20) La famör ne hanuạ tutu ‘atakoa la po ạlạlum ‘e Isireli.​—Hat Kamataga 22:18.

‘Ạitu hilia lelea‘ Isireli la ‘on famör uetnes. Rogrog ne ava ‘e ‘on tạusa kel‘ạkim ‘on ‘es‘ao heta se famori ‘e ‘oris tạupiriạg se foh ‘on ‘Ạitu. (Nā Hoi‘ạkiag Ne Foho 4:6) Ma ‘e reko lelea‘ Isireli, iris ne tore la pola ‘inea ‘Ạit aier ta.​—Hat Aisea 43:10, 12.

2. Hün se tese tä famör fakKaristo aire fu‘ạki e?

‘E ta av het ka ‘Ạitu kat tạria ra Isireli, ma tä Jihova fu‘ȧk kạutạunạ‘iag fakKaristo ta la tög‘ạkia hanue te‘. (Mataio 21:43; 23:37, 38) ‘E ‘on ‘i‘i famör fakKaristo aire ta hat la lelea‘ agaga ne he‘ Jihova Uetnes ta ne tög‘ạkia lelea‘ Isireli.​—Hat Garue 15:14, 17.

Jisu fu‘ȧk ‘on lelea‘ rak tē la re‘ia garue marag ta ma re tisaipel ‘e te‘ ne hanuạ ‘atakoa. (Mataio 10:7, 11; 24:14; 28:19, 20) Garue te‘ ‘elemea se tekäe lamlam het ne ‘amnȧk‘ȧk pạu sin ‘e ‘on ‘i‘i, ‘e a‘ofiạg ne te ne av te‘is. Kotä ma av mumuet ‘e rogrog ne ava, lạ Jihova la ‘op‘ȧk famör miliön his ‘e te‘ ne hanua la teag‘esea ‘e titi‘ạkiạg aire. (Kel‘ȧk Tē 7:9, 10) Famör fakKaristo aire mou se kạutạunạ‘iget ne na‘ia fäeag ne a‘ne‘ne‘ạkiga ma hạiasoagan le‘et se le‘et. ‘E rȧnte ‘atakoa, iris ‘oaf ‘e reko iris po ag‘esea prokräm ‘esea ma muạ‘ạkiag fak Puk Ha‘a ‘e ‘oris tạunạ‘i.​—Hat Hiperiu 10:24, 25.

3. Kạutạunạ‘iag ‘on Jihova Uetnes te ‘on i‘i‘ kamat tapen?

‘E laloag ne1870 iris he his ‘e famör rak Puk Ha‘a kamat la räe hoi‘ạkim aier fak Puk Ha‘ ne mao ‘e ta av roat. Iris ‘inea ne Jisu fu‘ȧk vạhia ta Kạutạunạ‘iạg fakKaristōt la re‘ia garue marag ta, ma iris kamat ta kämpein la marag‘ȧk ofrạu Pure‘ag ta se rȧnte ‘atakoa. ‘E 1931 iris a‘mou vahia as ta, Jihova Uetnes ta.​—Hat Garue 1:8; 2:1, 4; 5:42.

4. Ka Jihova Uetnes ta fu‘ȧk tapen?

‘E senjuri mumue ta, kạutạunạ‘iạg fakKaristo ‘e hanuạ ma‘oi, po hạiasoag ne la ‘es‘ao se irisa ‘e kạugarueag muạ‘ȧk te ne ‘inea Jisu ta Filo‘ ne kạutạunạ‘iag ta. (Garue 16:4, 5) Tape‘ma ‘e terạnit ‘e ‘i, Jihova Uetnes ta ‘e rȧnte‘ ‘atakoa po ‘on ‘es‘aot ne leum ‘e Kạugarueag Muạ‘ȧk Te, iris ta fa mafuạ ne ma‘at fak‘ata. Iạ ta matạ‘ua maj ma‘oi ne ofes ‘on Jihova Uetnes ta ne höl‘ạkia fäega, pạnia, ma fuạp‘ạkia te ne mou se rak Puk Ha‘ ta ne sir ‘e fäeag 600 ‘atakoa. Ma Kạugarueag Muạ‘ȧk Te ta tä na‘ia fäeag a‘nene‘ạkiget ne ho‘am ‘e ut ne Puku ma muạ‘ạkia kạutạunạ‘iga, ne sir ‘e 100,000 ‘e rȧnte‘ ‘atakoa. ‘E te‘ ne kạutạunạ‘iga, fāat ne a‘sokoa väeag ne fu‘ȧk vahia la rē, ta fa mafuạ fak‘ata. Iris ‘i ta matạ‘ se hag sip ‘on ‘Ạitu ‘e hanisi.​—Hat 1 Pita 5:2, 3.

Jihova Uetnes ta fu‘ȧk la marag‘ạkia rog heg ta ma re tisaipel. La fakse apostolo, ‘is marag‘ạkia rog heg ta ‘e riit se riit. (Garue 20:20) ‘Is na tape‘ma ‘os ava la rak Puk Ha‘ ma iris ne ‘oaf se aier ta. Ka Jihova Uetnes ta ‘eake kạutạunạ‘iget ma tä‘ma‘ie. ‘Ạmis kạunohogat ne ma Ö‘fa mäeav hanisit. ‘Ạmis hensạsiạg fāa ma haian ne hạimatạ‘uạg se ‘ạmisa. (2 Tesalonaika 1:3) Ma ‘e reko famör ‘on Jihova fu‘ȧk vạhia la a‘ofan ‘Ạitu ma hạiasoagan iris ne tore, ma iris re se ta kạunohoag ‘oaf‘oaf ti‘ut ‘e rȧnte‘.​—Hat Salamo 33:12; Garue 20:35.