‘Ut‘ạkia se Muạ ‘Os Fạiva ‘e Garue Marag ta—‘Is la Tög Tapen Fek ‘on Famör ‘Es Rī ta

‘E Rēko Tese iạ tē Pumuet: Famör ma‘oi ne ‘is hạipoag ‘e garue marag ta iris ag lelei. Ka, Jisu parofesại‘ȧk ne iris ‘on rereag la fesiạ‘ȧk ‘isa. (Jone 17:14)‘Is la se ferehit ‘e avat ne ‘is la hạipoag ma famör ‘es rī fekfeke. ‘E avat ne tē te‘is la soko ‘is kop la matạ‘ se tē ne ‘is la rē, pō ‘e ‘is pa ‘es la a‘ofan iạ ne ‘is mat‘ạkia, Jihova. (Roma 12:17-21; 1 Pita 3:15) Rēag ne tē ta‘ag kal a‘ti‘ ra pefä‘ ta. Iạ la pō la uetnes leleit se iạ famör ‘es rī ta ma se iris ne ‘io‘iom, la rue‘ạkia iris la a‘fại ‘e avat ne Uetnes ‘on Jihova ȧs hoi‘ạkiof.—2 Kor. 6:3

Tē ne la Rē:

Kel‘ạkia huạg totoka ma ag lelei. Te‘is täla a‘jeamjeman pefä‘ ta. Se a‘häe‘ȧk a‘mahan fek ‘on famör ‘es rī ta. (LMrg. 7:9) Kop ma iạ fek ‘e rēko pefä‘ ‘on‘ono ne ‘e rēko ‘is he‘oaf ‘e av het ne kat hạitạuạg ra ma ‘on ‘ofa. Kepoi ka iạ fek se rog hegut ne ‘is ho‘af, ‘on hün heta kop ma rogrog sioksiok ne iạ a‘a‘fại.—2 Kor. 4:4.
Tög ‘e fäeag rạumạhini ma ‘e huạg keresi. (FEFuạga 15:1) Ka tei ka ‘äe hạgua iạ ne mut unen ‘on garue ta? Ma aier ‘is kat faksor ra ‘e rēko ‘os garue ta, ka ‘äe la pō la faksor ‘e rēko ‘äe he‘oaf ‘e av het ne kat fū lelei ra se ia. Ka te‘ ka iạ fek ‘e rēko rogrog sioksiok ne iạ a‘fại ‘e rēko ‘isa? Kepoi ka ‘i, ‘äe la pō la ‘ea: “Gou pō Ia ‘inea ‘on hün het ne ‘äe feke. Ka, ‘on kelkeleag heta kop ma tē ne ‘äe a‘fại ‘e rēko ‘ạmisa kat aier ra. Ka te ka ‘äe ‘oaf la gou la sui‘ạkiof se ‘äea?” Kop ma iạ kat kạu‘ȧk ra tē het ‘e ‘os pilifi, la mou se ‘ut‘ạkiạg ne ta sạsigit ne ‘os kat nā toto? ‘Äe la pō la ‘ea: “Gou ‘inea hün heta. Famör ‘e ‘on rereag ‘ea se ‘ạmisa tē ‘eseat ma ne ‘äe ‘ea. Ka te ka ‘äe ‘oaf la gou la kel‘ȧk se ‘äea ‘e Puk Ha‘a aier ne rak‘ȧk tē ta‘ag?”
Kepoi ka ‘on feke hạihạiạ, lelei se‘ la ‘äe la se togia ‘on sạio‘ heta ka la la‘ạu. Kepoi ka iạ ‘ea la Uetnes ‘on Jihova la se ȧs hoi‘ạkiof, ma ‘äe la a‘fūmou‘ȧk se ia ne la sok la fak ma sin.

Ȧs‘ȧk ‘e Huạl Te‘:

‘Ạu la ȧs‘ȧk ‘e av ne ‘omus titi‘ȧk ne kạunohoga.
‘E vạhiạg ne ‘ou rouạg ne famör ‘es rī fekfek ta, ‘äe la hạifäegag ma iạ ne ‘äe garue mar ne tes ta ‘ạuạr la pō la a‘leleia ‘e pefä‘ ta.