Huạg Fe‘en la Marag‘ạkia Aier ta Hün Se Jisu

‘Is la huạg fe‘en ma kikia kepoi ka ‘is ‘inea salat la hạiväegan aier ta hün se Jisu se iris ne tore. Jisu ta hạf pumuet ‘e piu ne pilif aire fū‘ạki e. (Efe. 2:​20) Kepoi ka kat pō ra e Jisu, ‘is kal ‘es ‘ạiröt‘ạkiạg ra se mạuri. (Garue 4:​12) Ta‘ag, iạ tē pumuet la ‘inea‘ia garue ‘on Jisu ‘e a‘sokoag ne ‘amnȧk ‘on ‘Ạitu. Rak‘ȧk tē ne kat fak Puk Ha‘ ra ta hoa‘ sēsēan ma‘oit. Tē ne kokono, iris kop ma kal pō ra ạlạlum‘ạkiạg ne ‘Ạitu fäeag porȧk se iris ne pilif se Jisu. Huạg fe‘eni ‘e rēko aier ta täla rue­‘ạkia ‘is la hạiasoagan iris ne huạg vạivại la ‘inea‘ia aier ta hün se Jisu, ‘on hạikạinagag ma ‘Ạitu, ma ‘on garue la a‘sokoa ‘amnȧk ‘on ‘Ạitu. ‘E av ne A‘häe‘ạkiạg te‘, ka tei ka ‘äe la huạg fe‘en la fäeag‘ạkia aier ta hün se Jisu?