Ka tei ka ‘Äe Ösös se A‘häe‘ạkiạg ta?

Jisu ‘inea ne tör se pög ‘esea la iạ la tēag‘esea ma ‘on tisaipeli mumuạ la iạ la al. Ta‘ag ‘e 13 Nisan, ne fạu 33 A.K. Iạ a‘sokoa ‘on La‘ Sir‘ȧk fakmür ta ma irisa ma tä iạ kamatan ta kato‘ag fo‘out, ‘Omoe ‘on Gagaja. Kạinag kato‘ag pumuạ te‘ kop la ösös a‘lelei sin. Ma tä, iạ ea‘kia Pita ma Jone la a‘potsusunua tē ne kato‘ag ta. (Luke 22:7-13) ‘E te‘ ne fạu, iạ tē pumuet la lelea‘ rot fakKaristo ne la a‘sokoa A‘häe‘ạkiạg ta la ösös se kato‘ag te‘. (Luke 22:19) Ka tes tä ‘is la rē la ösös se A‘häe‘ạkiạg ta ‘e 3 ‘Epereli?

Tē ne Fā Mamfua la Osi:

Fūfū‘ȧk la ‘es‘av‘ạkia Rī ne Pure‘ag ta ne ta ut lelei hoi‘ạkit. ‘Io ne päega la hạitạuạg ma, pulolo taf, ma ‘es ut la lȧg ta la sur lelei sin. Fūfū‘ȧk la a‘ma‘ma‘ a‘lelei ut ‘i mumuạ la kato‘ag ta la a‘soko.
Hil ta fā mafuet ne potsusun se fäega, jämän ta, ma iriạ ne la ro‘ạit‘ạkia uạin ta ma faraoa ta.
Kepoi ka ta kạurotuget la ‘es‘av‘ȧk ut ‘esea ma, hạifäegag‘ạkia av heta, utut ne la suru ma utut ne la hoto ma tape‘ma se fūạg ne motokā.
Hil ma fūfū‘ạkia iris ne la hạiasoaga ma iris ne la hạināagan uạin ta ma faraoa ta.
Kop la ‘es‘av‘ȧk uạin noj ta ma faraoa noj ta, a‘potsusunua umefe, las ne uạini, tepel het, ma hạ‘ ne tepel ta.

Tē ne ‘Is la Osi:

Fūfū‘ȧk la ‘es väeag fuạmamạu ‘e nāag ne ‘ih tē ne A‘häe‘ạkiạg ta.
Fȧ‘ ‘atakoa as ‘on iris ne rak Puk Ha‘a, kạinaga, kạurakoag ta, kạugarueaga, ma ‘ou kạumane‘aga, ma ‘ih iris.
Hat ma masmasar‘ạkia hat Puk Ha‘ ne A‘häe‘ạkiạg ta.
A‘iạtiạt‘ia ‘äe la leum se A‘häe‘ạkiạg ta la hạipoag ma iris ne ‘ihi.