‘Ut‘ạkia se Muạ ‘Os Fạiva ‘e Garue Marag ta—A‘fūmou‘ạkia ta Sal Fūmout la Nā Mekasini

‘E Rēko Tese Iạ tē Pumuet: Famör ma‘oi ne ‘oaf la hat ‘os mekasini iris kat ‘amnȧk ra la rak Puk Ha‘ ma ‘isa. Kop ma iris vȧh ka tạu ‘e ‘oris rotu, ne iris a‘häe ne iris kat ‘es av ra la rak. Ka, ‘e avat ne iris hat hạisokoag se ‘os mekasini, kop ma iris täla kạtua fäeag ‘on ‘Ạitu. (1 Pita 2:2) Kop ma tēet ne iris hata täe se ‘oris huga, ne ‘oris fūfū heta jen. Iris täla mamnȧk‘ia se ‘isa kepoi ka ‘is la ȧs hạisokoag se irisa, ma täla hạiasoagan tape‘ma ‘is la ‘inea‘ia tē ne iris ‘oaf sin ma ‘oris kokono. Kop ma iris täla kamat la rak Puk Ha‘.

Tē ne la Rē:

Te‘ ne huạl ‘i, fū‘ȧk ta av het la nā‘ia mekasin fo‘ou The Watchtower ma Awake! Kop ma ‘äe la pō la ȧs ‘e ta av hoi‘ȧk het ‘e laloag ne huạl ta la rue‘ạkia iạ la hatia filo‘ het ‘e mekasin ne ‘äe rou sio se iạ, ne nā se iạ puk het ne la nā ‘e huạl ta. Rekot tē ne ‘äe rē.—‘Io se ‘Os Garue Marag ne Pure‘aga ne Janueri 2014 rạu peap 3 ‘e fäeag fifis ta.
Ösoös se te‘ ne av ne ‘äe la hö‘ hoi‘ạki. ‘Äe la se roua ma mekasini, ka ‘äe la hạifäegag ma famör ta ma ȧs‘ȧk la rē sin ta hạikạinagag leleit ma iạ la pō la ‘äe la ‘ut‘ȧk se muạ ‘on ‘ofa.
Aoa sal la kamatan ta rak Puk Ha‘ het. Kepoi ka le‘et ne ‘äe nā mekasin fūmou sin sạio‘ ne tes ta Puk Ha‘a ‘ea ‘e rēko ta filo‘ het, ‘äe la ho‘am ta puk het ne ‘es‘av‘ȧk se rak Puk Ha‘a ne ‘on ‘es ‘e tög heta, ma ‘ạuạr la hạifäegag ‘ag‘esea sin. Mumuạ la ‘äe la la‘, rou ta sạio‘ het ma sạkior sin ‘e ‘ou ȧs tē tea‘ hete‘. Kepoi ka ‘äe hö‘ hạisokoag la hạifäegag a‘luạk se Puk Ha‘a ne puk het ne ‘is ‘es‘av‘ȧk se rak Puk Ha‘a, ‘äe a‘a‘sokoa ta rak Puk Ha‘ het. Te ka ‘äe nā vȧh se famör ta puk hete‘ Rog Heg ta ma kel‘ạkia se ia a‘sokoag ne ta rak Puk Ha‘ luạk het? Te ka ‘äe kel‘ȧk vȧh vitio ‘i Rakoa Puk Ha‘a, Pō ‘e Tese? ma Ka Rakoag ne Puk Ha‘a A‘sok Tapen? Aier kop ma ‘e av ta famör ta kat ‘oaf ra la rak Puk Ha‘, ‘on fūfū heta la pō la jen. Tapen se la ‘äe la ȧs‘ȧk hoi‘ȧk?

Ȧs‘ȧk ‘e Huạl Te‘:

Fȧ‘ as ‘on iris ne ‘äe la pō la nā mekasin fūmou sin. Nā se irisa mekasin fo‘ou, ma ‘eakia ne ‘äe täla hoa‘ho‘af mekasini.