“‘Ut‘ạkia se Muạ ‘Os Fạiva ‘e Garue Marag ta—Kamatan ta Rak Puk Ha‘a ‘e ‘Ou la ‘Es‘ao‘ȧk ne Brochure Rog Heg ‘on ‘Ạitu! ‘e Ȧs A‘ Mumue ta.”
‘E Rēko Tēse iạ tē Pumuet: La rē lelea‘ rak tē, ‘is kop la lelea‘ ne rak‘ạkia Fäeag ‘on ‘Ạitu. (Mat. 28:19, 20) ‘Is ‘atakoa la pō la rak‘ȧk a‘leleia aier ta ‘e ‘os la ‘es‘av‘ȧk ne tē garueag ne nā se ‘isa. Brochure te‘ Rog Heg ‘on ‘Ạitu! iạ ös la hạiasoagan ‘is la rak‘ạkia aier ta se iris ne tore. ‘Is la pō la ‘es‘ao‘ȧk la kamatan ta rak Puk Ha‘ het ma famör ‘es rī ta ‘e ȧs a‘ mumue ta.
Ȧs‘ȧk ‘e Laloag ne Huạl Tē‘:
Ro‘ạit la ‘äe la ‘es ‘e huạg ne pa a‘sok rak Puk Ha‘. Far tape‘ma se Jihova la hạiasoagan ‘äe la kamatan ta Rak Puk Ha‘ het ma la hele‘ la le‘ rak‘ȧk tē lelei ne aier ta.—Fil. 2:13.
‘E av ne titi‘ȧk ne kạunohoga ne ‘e av ne ‘it rak ‘it ‘esea het, nā av la ‘inea a‘lelei tē ne ‘äe la ‘ea. ‘Äe la pō la fäeag ‘e huạg tua‘nạki ma la kamatan ta rak Puk Ha‘ het ‘e ‘ou ȧs a‘mumue ta ‘e garue marag ta.