‘Os Tē Garueag La Rak‘ȧk Tē
1. Ka ‘os garue ne rak‘ȧk tē tatạu tapen se garue ‘on iris ne majạu se garue ne si‘u?
1 Iris ne majạu se garue ne si‘u a‘es‘av‘ȧk kạinag tē garueag tūtū. Tē garueag ‘on rereag garue‘ȧk ‘e a‘, ka tē garueag ‘on rereag a‘es‘av‘ȧk a‘mama‘oi. Iris ne majạu se garue ne si‘u häe hạisokoag tē garueag ‘i se ‘oris kese, ma tē‘is tē garueag ne iris fạiạv pạu la garue‘ạkia. Puk Ha‘a a‘ne‘ne‘ạkia lelea‘ rot fakKaristo le‘et se le‘et la ‘es väeag hạisokoag ‘e garue marag ta, ma iạ la “le‘ garuet ne kat ‘es tē ra la masraga e.” (2 Tim. 2:15) Ka tes ta tē garueag pumuet ne ‘is häe hạisokoag se ‘os ‘afa? Iạ ta Fäeag ‘on Ạitu—ta tē garueag pumuet ne ‘is a‘es‘av‘ȧk la ‘rak‘ȧk tēan famori la iris la tisaipel.’ (Mat. 28:19, 20) Ta ‘on‘on ‘is kop la nā ‘os vahia la potsusun la “a‘es‘av‘ȧk a‘nonojoa fäeag ne aier ta.” Ka ma ‘on tē garueag hoi‘ȧk ‘is a‘es‘av‘ȧk a‘mama‘oi. ‘Is lelea‘ rot fakKaristo ‘atakoa nonoj la fạiạv la rak‘ạkia aier ta se famori.—FEFuạga 22:29.
2. Ka tes ta tē garueag ne rak‘ȧk tē ‘is la ‘es‘av‘ȧk a‘mama‘oi?
2 Tē Garueag ne Rak‘ȧk tē ‘Is A‘es‘av‘ȧk A‘mama‘oi: Ka tē garueag tes hoi‘ȧk ta ‘is la garue‘ạki? Tē garueag pumuet ne ‘is garue‘ȧk la rak‘ạkia aier ne Puk Ha‘a, ta, Ka Tes Tä Puk Ha‘a ‘Ea Aire? ‘E avat ne iạ ne rak Puk Ha‘a a‘vạhi e puk te‘, ‘is la ‘es‘av‘ạkia “Keep Yourselves in God’s Love” la rak‘ạkia se iạ la garue‘ạkia muạ‘ạkiạg ne Puk Ha‘a ‘e ‘on mȧür ta ‘e te‘ ne terạni. Ta ‘on‘on ‘is noj la potsusun ‘e la garue‘ȧk ne puk he ruạ ‘i. Brochure ‘on rereag noj la ‘e laloag ne ‘os ‘afa. Rog Heg ‘On ‘Ạitu! iạ tē garueag pumuet ‘e ‘os la kamatan ta rak Puk Ha‘a. Kepoi ka utut ne ‘is väe la garue ma ‘on famör ne kat pō ra la hat tē a‘lelei ne iris ne fäeag ‘e fäegat ne puk heuạ ‘esea ta pạni ne kat ‘es puk pạu ra ‘e ‘oris fäeag ta, ma ‘is la pō la a‘es‘av‘ȧk brochure Noh A‘fại se ‘Ạitu ne Noh A‘fại se ‘Ạitu ma Pō Mȧür se ‘Es A‘ofige. Brochure te‘ Ka Sei tä Iris ne Rē‘ia Fiongar ‘on Jihova ‘e Terạni tē ‘i? iạ ‘es‘ao ti‘ pạu ‘e la muạ‘ạkia iris ne rak Puk Ha‘a se kạutạunạ‘iạg ta. Vitio ne la pō la hạiasoag se ‘os la rē tisaipel, ta Rakoa Puk Ha‘a, Pō ‘e Tese?, Ka Tes ta A‘sok ‘e Rī ne Pure‘ag ta?, ma Does God Have a Name? ta tē garueag ne nonoj la ‘is la rak la ‘es‘ao‘ȧk a‘lelei.
3. Ka ‘Os Garue Marag ne Pure‘aga ‘e avat ne ‘ut‘utum la hạiasoag tapen se ‘is?
3 ‘Os Garue Marag ne Pure‘aga ‘e avat ne ‘ut‘utum täla hạiasoagan ‘is la fạiạv ‘e garue‘ȧk ne tē garueag ne rak tē ne ‘es‘av‘ȧk a‘mama‘oi. ‘E avat ne ‘is fe‘en la fạiạv ‘e garue‘ȧk ne tē garueag ‘i, ‘is tạupir se fäeag puer‘ȧk ta: “‘Äe la ‘io a‘lelei se ‘äea, ma se ‘ou rak‘ȧk tē. ‘Äe la nohnohoau ‘e tē ‘i: ne ‘e ‘ou rē tape‘i ‘äe täla a‘mạuria ‘äe ma iris tape‘ma ne a‘fại se ‘äeag.”—1 Tim. 4:16.