Ut‘ạkia se Muạ ‘Os Fạiva ‘e Garue Marag ta—A‘potsusunua Iris ne Fo‘ou.

‘E Rēko Tese Iạ Tē Pumuet: Iris tisaipel fo‘ou ‘on Jisu kop la tạupir se “tē ‘atakoa” ne iạ fas‘ạki, ta‘ag laloag‘ȧk tape‘ma la rak‘ạkia aier ta se iris ne tore. (Mat. 28:19, 20) Iris ma‘oi ne fo‘ou potsusun‘ia la sur se Rak ne Garue Marag ta ma kop ma iris uetnes se ‘oris kạunohoga ne kạumane‘aga. Ka, ‘e avat ne kamat fupu e ‘e ‘oris huga la a‘pumuạ‘ạkia tē ne iris rako ma ‘oris leum la ‘inea‘ia ne Jihova pa ‘es la famör ‘atakoa la a‘fại e se rog heg ta, ma tä iris kel‘ạkia ne iris pa ‘es la ‘es väeag ‘e garue marag ta. (Roma 10:13, 14) ‘E avat ne le‘ fo‘out aier‘ȧk vạhia la le‘ hoa‘ maragat seminte papetạiso, rak‘ȧk tē lelei täla hạiasoagan iạ la huạg toa‘ ‘e ‘on la a‘sokoa huạlā pumuạ te‘ ‘e ‘on la ‘ut fak‘at.—Luke 6:40.

Tē ne la Rē:

Hạiasoagan le‘ hoa‘ marag seminte papetạios fo‘ou ta la ‘es ‘e puk ne la ‘es‘ao‘ȧk la marag ma la rak‘ȧk tē. Kel‘ȧk se iạ ne ‘äe a‘potsusun tapen ‘ou ‘af ne garue marag ta, ma sui‘ạkia ‘amnȧk ne puk tūtū ne ‘äe häe se ‘ou laloag ‘af ta.
Hil ta kel‘ạkiạg ne tē la ‘ea ‘e ‘Os Garue Marag ne Pure‘aga la ‘ạuạr la ȧs‘ạkia. A‘ne‘ne‘ạkia iạ la ‘eakia ‘e ‘on fäega. Ȧs‘ȧk ag‘esea fūfū tūtū ‘e puk ta Ministry School, rạu peap 82. A‘mah‘ȧk ‘on pumuạ ne ‘os hạ‘hạ‘u ma ososi la fakag.—2 Kor. 6:3, 4.
Rak‘ȧk tē ma kikia. Kel‘ȧk se ia ta mäp het, rak‘ȧk se ia ‘on la ‘es‘ao‘ȧk ne house-to-house record. Kel‘ȧk ne iạ la fȧ‘ tapen as ‘on le‘et ne kel‘ạkia ‘on ‘ofa ma ‘on rogrogo. Rak‘ȧk se ia ‘on la ‘es‘ao‘ȧk ne jw.org ‘e garue marag ta ka tape‘ma se puk mea‘mea‘ heta Good News for People of All Nations. Hạiasoag tape‘ma se iạ salat ne iạ la ‘ut‘ạkia se muạ ‘oaf ‘on ta famorit.—1 Kor. 3:6.
Huạg lal ma nā fäeag ne ‘uạ‘uạ‘ạki. (FEFuạga 25:11) Kel‘ȧk mạl lelei. ‘Ou fe‘eni ma ‘ou kokon‘ạkiạg ne ta le‘et la ma ‘on ‘es‘ao het ‘e avat ne ‘ut‘utum.

Ȧs‘ȧk ‘e Huạl te‘:

Garue ag‘esea ma iạ ne ‘äe rak Puk Ha‘ sin ‘e rīit se rīit ma hoa‘ iạ se ‘ou hö‘ hoi‘ȧk ta ne ta Rak Puk Ha‘ het. Kepoi ka ‘äe kat rak Puk Ha‘ ra se ta le‘et, ‘ih ta le‘ hoa‘ marag fo‘out la garue ag‘esea ma ‘äe.