‘Fäeag ‘I . . . Kop la ‘e ‘Ou Huga’

O‘o‘i iris fak se lelea‘ huȧ‘ sipi. Iris kop la matạ‘ a‘lelei se ‘oris lele‘a, pō ‘e vavhiạn pạu la iris la la‘ tū ne la agtạu ma pefä‘e. (FEFuạga 27:23) Ka o‘o‘i la pō tapen la a‘sok väeag garue te‘? Iris kop la nā av la hạifäegag ma ‘oris lele‘a ‘e te‘ ne terạni la ‘inea‘ia tē ne täe ‘e ‘oris a‘häe ma ‘oris huga. (FEFuạga 20:5) Tape‘ma, o‘o‘i kop la a‘ne‘ne‘ạkia mā ne ‘oris lele‘a ‘e ‘es‘av‘ȧk ne tē ne a‘noa la susunua ‘oris fuạg ne pilifi. (1 Kor. 3:10-15) Vitio hete‘, “These Words . . . Must Be on Your Heart” a‘mah‘ạkia ‘on pumuạ ne la a‘sok hạisokoag ne titi‘ạkiạg ne kạunohoga. Kel ag‘esea fak kạunohoag mạl te‘, ma kotä hạifäegag se sạio‘ ‘i.

(1) Ka tes tä rē ma kạunohoag ‘on Thomas Roman kat nā ra la tē fak‘ata la muạ? (2) ‘E rēko tese tä fe‘en ‘on Sạsig ta Roman la a‘sokoa titi‘ȧk ne kạunohoga kat la‘ lelei ra? (3) Ka muạ‘ạkiạg fak Puk Ha‘ tese tä ‘es‘ao la putua lä‘riri‘i? (NHFoho 6:6, 7) (4) Ka tes tä la pō la rē la a‘leleia hạifäegaga ‘e laloag ne kạunohoga? (5) Ka tes tä lä‘riri‘i pa ‘es ‘e ‘oris o‘o‘i? (6) Ka fäeag a‘ne‘ne‘ȧk huạg ‘on Brother ma Sister Barrow ‘es‘ao tapen se kạunohoag ‘on Thomas Roman? (FEFuạga 27:17) (7) Ka tes ta filo‘ ne kạunohoag ta la ösös mumuạ, la pō la titi‘ȧk ne kạunohoga la ‘es‘ao se kạunohoag ‘atakoa ta? (8) Ka jen tese tä Sạsig ta Roman rē? (9) ‘E rēko tese tä titi‘ȧk ne kạunohoga kop la a‘sok hạisokoag? (Efe. 6:4) (10) Ka tes ‘atama ta ne kạunohoga la pō la re se titi‘ȧk ne kạunohoga? (11) Ka Sạsig ta Roman kel‘ȧk tapen ‘on huạg totoka ma ‘on fūmou ‘e ‘on hạiasoag ne Marcus la a‘pumuạ‘ạkia ‘on pumuạ ne la rē‘ia tēet ne nonojo? (Jer. 17:9) (12) Ka ‘inos ta Brother ma Sister Roman hạifäegag tapen ma le Rebecca la hạiasoagan iạ la rē puer a‘lelei se ‘on hạikạinagag ma le Justin? (Mareko 12:30; 2 Tim. 2:22) (13) Ka ‘inos ta Brother ma Sister Roman kel‘ȧk tapen ‘oriạ mā ‘e avat ne rē‘ia jene ‘e ‘oriạ mạuri? (Mat. 6:33) (14) Ka mạl hete‘ a‘mah‘ȧk tapen ‘on pumuạ ne filo‘ ne kạunohoga la matạ‘ fak‘at se ‘oris kạunohoga? (1 Tim. 5:8) (15) Ka tes tä ‘ạus filo‘ ne kạunohoga a‘fūmou‘ȧk vạhia la rē?

SE IRIS FILO‘ NE KẠUNOHOGA: Drama te‘is kel‘ȧk ‘e kato‘ag ne väeag hanua ne 2011. ‘E av ta‘ag, tei ka ‘äe räe ta tēet ‘äe kop la rē la a‘leleia ‘ou titi‘ȧk ne kạunohoga? Ka tapen se ‘on ‘i‘i? Kepoi ka ‘äe kop la rē ta jen heuạ, figalelei ma ro‘ạit‘ạkia, te‘is la ‘es‘ao se ‘ou kạunohoag ta se av se ‘es a‘ofige.​—Efe. 5:15-17.