‘Ut‘ạkia se Muạ ‘Os Fạiva ‘e Garue Marag ta—Uetnes ‘e Ut ne Pesnese

‘E Rēko Tese Iạ Tē Pumuet: ‘E rēko famör ma‘oi garue, ma sal leleit la a‘ho‘af se iris rog heg ne Pure‘ag ta, ta‘ag la uetnes se iris ‘e ‘oris garueaga. Uetnes ‘e ut ne pesnese iạ tē a‘ririạf huget ka hue lelei, ‘e rēko ‘äe la hạipoag ma famör garue, ma iris la kel‘ȧk ag lelei se lelea‘ ne iris a‘häe ne la le‘et ne la rē pesnes ma iris ne la tög tē ‘e iris. Iris ne hoa‘ maraga kop la matạ‘ a‘lelei se ‘oris hạ‘hạ‘u ma ososi la ta se fakmerea ‘os garue ta. (2 Kor. 6:3) Ta‘ag, huȧ‘ ne garue ta la ‘io a‘lelei se ne tapen ‘oris la garue ‘e ut ne pesnese ma sei tä la garue sin.

Tē ne la Rē:

Ös la tē ne la ‘ea la luạk. Kepoi ka ‘is la tekại ta av rạurạut la fäeag se ta le‘ garuet, kop ma kal aier‘ȧk ra la ‘is la fäeag hoi‘ȧk se iạ ‘e ta av hoi‘ạkit.
Hil la ȧs ‘e avat ne kat popot ra, kop ma avat ne iris la säe e.
Fäeag mumuạ se iạ ne pure. Kel‘ạkia ag lelei ma la maf kakahā. ‘Äe kop ma la ‘ea: “‘Ạmis ạsim se famori se ‘oris ut garueaga ‘e rēko a‘noa pạu la pō iris ‘e ‘oris hanua.” Fäeag a‘luạk se ia, ma nā se iạ ta tract het, mekasin, ne puk hoi‘ạkit. Iạ lelei se‘ la se ‘eakia fūfū‘ȧk ne nā tēfakhanis ta, ‘ea ma ‘e avat ne iạ sạio‘ ne ‘os garue ta fūfū‘ȧk tapen.
Kepoi ka vavhiạn la hạifäegag ma iạ ne pure, sạio‘ kepoi ka ‘äe la pō la fäeag ma iris lelea‘ garue ne tore. ‘E garueag ‘on rereag lelei se la roua ta puk la hat ‘e ‘oris ut ne ‘iom tī ta.
Kel‘ạkia huạg ‘atmại. Kel‘ạkiạg het, kepoi ka famör garue ta popot ne fäegan ma le‘et ne leum la tög tē, tȧr se avat ne iạ la tafa e.

Ȧs‘ȧk ‘e Huạl Te‘:

‘E ‘ou titi‘ȧk ne kạunohoga ‘e tē a‘ hete‘, ȧs‘ȧk ta tē la ‘ea luạk het ne ‘äe la ‘es‘ao‘ȧk ‘kepoi ka‘äe la garue ‘e ut ne pesnese.