‘Ut‘ạkia se Muạ ‘Os Fạiva ‘e Garue Marag ta—Rak‘ȧk se Iris ne Rak Puk Ha‘a la Fūfū‘ȧk A‘lelei Av Het ne Iris la Rako

‘E Rēko tese Iạ Tē Pumuet: Iạ ne Rak Puk Ha‘a kop la a‘mamnạkia ‘on a‘häe ma huga se tē lal hoi‘ȧk ‘e Puk Ha‘a, ‘eake se muạ‘ạkiga ma tä‘mä‘ie kepoi ka iạ pa ‘ut fak‘at. (Hip. 5:12–6:1) Iạ kop la fe‘en. Rak tē laloag‘ȧk ‘on la tạunạ‘ia rogrog fo‘ou se tē ne iạ rak vạhia ma ‘on ‘es‘ao heta. (FEFuạga 2:1-6) ‘Oris la rak la ao tē ‘e iris ‘esea täla hạiasoagan iris la togia sạio‘ ne Puk Ha‘a ‘e ‘es‘ao‘ȧk ne ‘os puk sui fakKaristo. ‘Oris huạg fe‘eni la garue‘ạkia tē ne iris rako täla hạiasoagan iris la agạia pefä‘ het ma ne iris la agtạu mar.—Luke 6:47, 48.

Tē ne la Rē:

A‘mah‘ạkia ‘on pumuạ ne la ao mumuen hạiasoag ‘on Jihova ‘e ro‘ạitu mumuạ la kamatan rak ta.—Jone 14:26; 1 Kor. 2:10.
‘E ‘omuạr rak a‘ mumue ta, rak‘ȧk se iạ la ösös ‘on puk heta mumuạ la rak Puk Ha‘ heta. Kel‘ȧk se iạ ‘ou puk heta, ma rak‘ȧk se ia la sah ne pạnia ma fäeag pumua.
Nā la iạ la togia sại‘o ‘e ‘on fäega. ‘Eake la iạ la hatia ma tög ne sại‘o ‘e pärakraf heta.
A‘ne‘ne‘ȧk tape‘ma iạ la hatia Puk Ha‘a ‘e te‘ ne av ‘i. Kel‘ȧk se iạ fūfū‘ȧk ne hat Puk Ha‘a ‘e jw.org, ne kel‘ạkia sal ‘es‘aot ne iạ la pō la tạupir sin. Iạ kop la fe‘en la a‘mamnạkia iạ la hatia Puk Ha‘a e te‘ ne terạni, ‘on huạg fe‘eni ‘eake tē väväret.—Sal. 1:2, 3.
Kel‘ȧk se ia ne iạ la pō tapen tög ne sạio‘ fak Puk Ha‘a ‘e ‘on la ‘es‘ao‘ạkia Watchtower Library ne LAIPRI ‘E INTERNET TA. Hạiasoagan iạ la ‘inea‘ia a‘luạk ne puku ne ‘is ‘es‘ao‘ȧk ‘e tạunȧ‘ ne kạurotuga.

Ȧs‘ȧk ‘e Huạl te‘:

‘E a‘ofiạg ne ta filo‘ mea‘mea‘ het ne väe het, far la iạ ne Rak Puk Ha‘a la sui‘ȧk a‘luạk tē ne iạ kotä rak se. Kepoi ka ‘äe kat rak Puk Ha‘ ra se ta le‘et, ȧs‘ȧk la a‘luạk‘ạkia tē ne ‘äe hat ‘e ta ut ne puk het ‘e Puk Ha‘a ne ta pärakraf het ‘e The Watchtower la a‘leleia ‘ou la hat tē.