Ka tei ka Fäeag ‘on ‘Ạitu Es Ne‘ne‘ ‘E ‘Ou Mạuri?

Hat Puk Ha‘ ‘e te‘ ne terạni la pō la hạiasoag ‘is la “va‘” ka “a‘fūmou‘ȧk ‘is ‘e pilifi.” (Kol. 2:​6, 7) ‘I, la fäeag ‘on Jihova la ‘es ne‘ne‘ ‘e ‘os mạuri, ‘is kop la masmasar ma kikia ma garue‘ạkia ‘on muạ‘ạkiga. (Hip. 4:​12; Jem. 1:​22-​25) ‘E Josua 1:8 ‘e New World Translation of the Holy Scriptures ‘ea; “Puk ne foh te‘ la se roua ‘ou nuju, ‘äe la hat a‘totoak ‘e rȧn ma pög, ‘äe la tạupir a‘lelei se te‘ ne tē ‘atakoa ne fạ‘i, ma tē ne ‘äe la rē la la‘ lelei ma ‘äe la pot ‘e ‘ou gargarue.” Ut ne puk te‘ kel‘ạkim sal pumuạ he fol ‘e ‘os la hat tē:(1) Hat Fäeag ‘on ‘Ạitu ‘e “rȧn ma pög.” (2) Hat “a‘totoak,” ‘on fuạga la ‘äe la hat a‘riri‘ la pō la ‘äe la masmasar ma la rē a‘häe se tē ne ‘äe hata ma tē ne soko. (3) Nā vahiạ la garue‘ȧk “te‘ ne tē ‘atakoa ne fạ‘i.” ‘Ou la garue‘ȧk ne pạin he fol ‘i, “tē ne ‘äe la rē la la‘ lelei” ma ‘äe la “pot ‘e ‘ou gargarue” ‘e te‘ ne terạni.