‘Ạiröt‘ạkiạg Teset se Iris ne Atia?

1. Tes ta rog hegut se iris ne atia?

‘E avat ne Jisu hele‘um ‘e Petania, ‘el se Jerusalemi, ‘on kạumane‘ag heta Lasarusa al ma terȧn häk vȧh‘ia. Jisu leuof se takag ne ala, ia, Marita ma Meri sạsiạg hȧn ruạ ‘on iạ ne atia. Kat roa ra, ka famör ma‘oi ‘opoag ‘eseam. Teka ‘äe la pola re a‘häe se ‘ofat ne täe ‘e Marita ma Meri ‘e avat ne Jisu fu‘ȧk hoi‘ȧk se‘ Lasarusa se mạuri?​—Hat Jone 11:21-24, 38-44.

Marita ‘inea ma vȧh‘ia rog hegut hün se iris ne atia. Iạ ‘inea tape‘ma ne Jihova täla fu‘ȧk hoi‘ȧk se‘ iris ne atia la mȧür ‘e rȧnte‘.​—Hat Jope 14:14, 15.

2. Tes täla sok se iris ne atia?

Famori reem ‘e kefkefu. (Kamataga 2:7; 3:19) ‘Eake ‘is ‘at ne noh ‘e for fak famori. ‘Is famör fak for ma kat ‘es ra ta teet ‘e ‘isa mȧür ‘e avat ne ‘is ala e. Ka ‘e avat ne ‘is ala e,‘os ‘uạt pạrpạru al tape‘ma, ma ‘os a‘häe maouafua. Lasarusa kat ‘ea ra ta teet sok se ia ‘e avat ne iạ ala e ‘e reko iris ne atia kat ‘inea ra ta teet.​—Hat Salamo 146:4; Le‘ Marag Ta 9:5, 6, 10.

Teka ‘Ạitu a‘ru‘ạkia famori ‘e rȧh ta ‘e avat ne iris ala e? ‘E reko Puk Ha‘ heta kel‘ạkia ne famör ala kat ‘inea ra ta teet, ma rạhi te heli kel‘ȧk a‘taf pạu rak‘ȧk te sioksikot ne fäeag mane‘ạkia ‘Ạitu. Ma a‘häet ne famori a‘mamauạ ‘e rạhi, te kela‘efakinet se ia.​—Hat Jeremaia 7:31.

3. Teka iris ne atia pola hạifäegag ma ‘isa?

Famör ala kal pora la fäeag ne a‘fại te. (Salamo 115:17) Ka ‘ager ‘e ‘on rerege mam‘as ma iris kop ma la fäeag se famori ma re iris la fak kikia se famör ala. (2 Pita 2:4) Jihova kat va‘ön‘ȧk ra ‘is la hạifäegag ma iris ne atia.​—Hat Nā Hoi‘ạkiạg Ne Foho 18:10, 11.

4. Sei täla fuhoi‘ạki?

Famör miliön ma‘oi ne atia ma täe ‘e takag ne ala täla fuhoi‘ạkieris se rȧnte‘. Ka tape‘ma se iris ne kat ‘inea ra ‘Ạitu ma re te raksa‘a täla fuhoi‘ȧk se‘ea.​—Hat Luke 23:43; Garue 24:15.

Iris ne fuhoi‘ạki täla pola rakoa aier ta hün se ‘Ạitu ma garue‘ạkia ‘oris pilif se Jisu ‘e ‘oris tovavhiạn se iag. (Kel‘ȧk Tē 20:​11-13) Se iris ne la fuhoi‘ȧk ma re‘ia te lelei täla po mȧür ‘oaf‘ofat te rȧnte‘ se av se ‘es a‘ofiget.​—Hat Jone 5:28, 29.

5. Tes ta fuhoi‘ạkiạg ta rak‘ȧk se ‘isa hün se Jihova?

‘Ạitu re la sok ‘airöt‘ạkiag ‘on iris ne atia ‘e ‘on fekạu‘ạkiạg ne ‘on Le‘ ta la al hün se ‘isa. Ma fuhoi‘ạkiạg ta kel‘ȧk se ‘isa hanis ‘on Jihova. ‘E avat iris ne ala la fuhoi‘ạki e, sei ta ‘äe la ‘oaf la hạipoag mar?​—Hat Jone 3:16; Roma 6:23.