• Zaburi 15:1-5
    Bibiliya y’isi nshasha (nwt)

    • 15 Ewe Yehova, ni nde yoba umushitsi mw’ihema ryawe?

      Ni nde yoba ku musozi wawe mweranda+?

       2 Ni umuntu w’intungane*+,

      akora ibigororotse+

      kandi avuga ukuri mu mutima wiwe+.

       3 Ntakoresha ururimi rwiwe mu kubeshera abandi+,

      nta kibi na kimwe akorera mugenziwe+

      kandi ntasiga iceyi* abagenzi biwe+.

       4 Ntiyerekwa umuntu wese afise inyifato igayitse+,

      ariko atera iteka abatinya Yehova.

      Ntareka gushitsa ivyo yasezeranye* naho vyomugirira nabi+.

       5 Ntasaba inyungu ku ngurane atanze+,

      kandi ntarya igiturire co gucinyiza intungane+.

      Umuntu nk’uwo ntazokwigera anyiganyizwa*+.

  • Zaburi 84:1-4
    Bibiliya y’isi nshasha (nwt)

    • 84 Ewe Yehova Nyeningabo,

      ese ukuntu ihema ryawe rihambaye ari ryiza cane*+!

       2 Ndashashaye cane,

      emwe ndipfuza cane

      ibigo vya Yehova+.

      Umutima wanje n’umubiri wanje birashemeza Imana nzima.

       3 Mbere n’inyoni iraronka aho yibera mu nzu yawe,

      n’intamba ikaronka aho yubaka icari cayo,

      aho yitwararikira utwana twayo,

      iruhande y’igicaniro cawe gihambaye, ewe Yehova Nyeningabo,

      Mwami wanje ukaba n’Imana yanje!

       4 Hahiriwe abantu bibera mu nzu yawe+!

      Baguma bagushemeza ubudahengeshanya+. (Sela*)