Akabanga ko Kuronka Agahimbare mu Rugo

URUGO ni rwo rwego rwa kera ruzwi kuruta izindi nzego z’abantu, ariko muri iki gihe ruri mu ngorane. Ikwiragira henshi riteye ubwoba ry’ukunywa ibiyayura umutwe be n’ubushegabo bugirwa n’abana b’imiyabaga, ukwahukana kwimonogoje hamwe n’ubukazi buba mu ngo, ivumbuka ry’iyongerekana ry’igitigiri c’ingo zitunzwe n’umuvyeyi umwumwe, hamwe n’izindi ngorane zikomakomeye, bituma bamwe bibaza nimba ubuzima bwo mu ngo buzorusimba.

Vyoba bigishoboka ko urugo ruba ubwugamo burama bukaramira n’ababurimwo? Egome biracashoboka, mu gihe abagize urugo bazi akabanga nya kabanga k’ukuronka agahimbare mu rugo. Ako kabanga ntigahishijwe. Karageragejwe kararama mu kiringo c’imyaka n’iyindi, c’ibinjana n’ibindi. Uti none ni akahe? Iki gitabu, Akabanga ko Kuronka Agahimbare mu Rugo, kiratanga inyishu. Kiranatanga uturorero ngirakimazi tw’ukuntu ako “kabanga” gashobora gufasha gutorera umuti ingorane zitari nke imiryango igira. None hari umuntu n’umwe ga yemwe muri iki gihe adakeneye imfashanyo nk’iyo?