Amatangazo

◼ Ibisohokayandikiro vyo gushikiriza muri Kigarama: Hazoshikirizwa igitabu Umuntu Ahambaye Kuruta Ababayeho Bose. Mu gihe mwoba mudafise ico gitabu, mwoshobora gushikiriza ico ari co cose muri ibi bikurikira: Igitabu Canje c’Inkuru za Bibiliya, La Bible—Parole de Dieu ou des hommes? be n’igitabu Urashobora Kubaho Ibihe Bidashira mw Iparadizo ngaha kw Isi. Nzero 2007: Igitabu ico ari co cose c’impapuro 192 gifise impapuro zitanguye gusa n’umuhondo canke kiriko kiracuya, kibure ico ari co cose casohowe imbere yo mu 1991, coshobora gushikirizwa. Igitabu Ubumenyi canke agatabu Mwame mugavye! birashobora gushikirizwa na vyo nyene. Ruhuhuma: Hazoshikirizwa igitabu Niwiyegereze Yehova be n’igitabu Ubumenyi. Ntwarante: Hazoshikirizwa igitabu Ivyo Bibiliya yigisha hongere hagirwe akigoro kadasanzwe ko gutanguza inyigisho za Bibiliya.

◼ Udukaratasi tw’ubutumire bw’Icibutso two mu 2007 turi mu rurimi ishengero rimwerimwe ryose risanzwe rikoresha tuzorungikwa vuba. Nimba hari izindi ndimi zivugwa mu cibare canyu maze mukaba mwipfuza kuronka udukaratasi tw’ubutumire two muri izo ndimi, ivyo bikwiye guca bisabwa mu maguru masha kuri rwa rukaratasi rwo gusabirako ibisohokayandikiro (S-14).

◼ Turabamenyesheje yuko Icibutso co mu mwaka wa 2008 kizoba ku musi wa gatandatu igenekerezo rya 22 Ntwarante, izuba rirenze. Ivyo bimenyeshejwe hakiri kare kugira ngo abavukanyi bashobore gutegekanya ibikenewe mu vyo gukotesha ibibanza mu gihe hoba hariho amashengero menshi akoresha Ingoro y’Ubwami imwe, bikaba ngombwa yuko haronderwa izindi nyubakwa. Muri mwene ivyo bihe, abakurambere bakwiye kuja inama na bene inyubakwa kugira barabe neza ntihagire ibindi bintu bizozikorerwamwo vyohava bidurumbanya iryo himbazwa. Kubera yuko ihimbaza ry’Icibutso ari urubanza ruhambaye, inama y’abakurambere ikwiye guhitamwo umwe mu bakurambere babishoboye kuruta akaba ari we ashikiriza insiguro y’Icibutso, aho kuja barahana imbu gusa canke kwama bakoresha umuvukanyi umwe wenyene uko umwaka utashe. Ariko rero, niba hariho umukurambere wo mu basizwe ashoboye gushikiriza iyo nsiguro, akwiye kuba ari we ahabwa kuyishikiriza.

◼ Nimba bishoboka, ku wa 31 Kigarama 2006 canke inyuma gato y’iryo genekerezo, murakwiye kugira itondanuzwa rigirwa uko umwaka utashe ry’ibisohokayandikiro vyose be n’ibinyamakuru vyose mufise. Iryo tondanuzwa risa na rimwe umuhuzabikorwa w’ibisohokayandikiro yama agira ku kwezi ku kwezi, kandi ibitigiri vyose hamwe bikwiye kwandikwa kuri rwa rukaratasi rw’Itondanuza ry’ibisohokayandikiro (S-18). Igitigiri c’ibinyamakuru vyose mufise muzogihabwa n’uwujejwe (canke abajejwe) ibinyamakuru. Umunyamabanga w’ishengero mpuzabikorwa akwiye kuba ari we ahagarikira iryo tondanuzwa. Uwo munyamabanga w’ishengero mpuzabikorwa be n’umucungezi muhagarikizi w’iryo shengero nyene ni bo bazoshira umukono kuri urwo rukaratasi. Ishengero mpuzabikorwa rimwerimwe ryose rizohabwa inkaratasi zitatu z’Itondanuza ry’ibisohokayandikiro (S-18). Turabasavye urukaratasi rwo hejuru mururungikire ibiro vy’ishami hatarenze kw’igenekerezo rya 6 Nzero. Muragumane ikopi imwe yo gushira muri dosiye. Ikopi igira gatatu irashobora kuba ari yo mukorerako.