Urutonde rwo ku ndwi itangura ku wa 20 Kigarama

INDWI ITANGURA KU WA 20 KIGARAMA

Ururirimbo rwa 79 (66)

□ Inyigisho ya Bibiliya y’ishengero:

cl ikig. 29 uruzitiro ruri ku rup. 299, na ikig. 30 ing. 1-3

□ Ishure ry’ubusuku bwa gitewokarasi:

Igisomwa ca Bibiliya: 2 Ngoma 20-24

No. 1: 2 Ngoma 20:1-12

No. 2: Kwiga no kuvuga rwa rurimi rutyoroye bisaba iki? (Zef. 3:9)

No. 3: Ibisabwa kugira umuntu arangure ubusuku (td 40B)

□ Ikoraniro ry’umurimo:

Ururirimbo rwa 12 (109)

Imin. 5: Amatangazo.

Imin. 15: Woba umaze kubigerageza? Ikiganiro c’uguhana ijambo n’abumviriza. Mu buryo bw’insiguro, nimusubire mwihweze muri make amayagwa ari muri ibi biganiro biherutse gusohoka mu Gikorwa dukorera Ubwami: “Woba umaze kwereka umuntu ugendeye ubwa mbere ingene inyigisho iyoborwa?” na “Ingene twomenyereza abashasha kwamamaza” (km 5/10) be na “Urashobora gushinga intahe akaryo kizanye!” (km 8/10). Nusabe abumviriza bagire ico bavuze ku kuntu bagerageje gushira mu ngiro inama tugirwa muri ivyo biganiro be n’ingene bavyungukiyeko.

Imin. 15: Niwamamaze umeze nk’uko usanzwe umeze. Ikiganiro c’uguhana ijambo n’abumviriza gishingiye ku gitabu Ishure ry’Ubusuku, urupapuro rwa 128, ingingo ya 1, gushika ku rupapuro rwa 129, ingingo ya 1. Nubaze muri make ibibazo umwamamaji abimenyereye yatsinze amasoni. Ni igiki kimufasha kudahagarika umutima cane igihe ari mu busuku?

Ururirimbo rwa 17 (29)

Ibiganiro bishasha vyo gutanguza inyigisho za Bibiliya

1. Ni ibiganiro ibihe bigiye kuza birasohoka mu nteguro ya bose y’Umunara w’Inderetsi, kandi bigenewe iki?

¹ Guhera mu kwezi kuza, hariho ibiganiro bishasha bigiye kuza birasohoka mu nteguro ya bose y’Umunara w’Inderetsi kugira ngo bidufashe gutanguza inyigisho za Bibiliya. Ivyo biganiro bifise umutwe uvuga ngo “Niwige Ijambo ry’Imana.” Naho ata gukeka ko bamwebamwe mu cibare bazohimbarwa no kwisomera kimwekimwe muri ivyo biganiro, mu vy’ukuri ivyo biganiro bigenewe gukoreshwa igihe tuyaga n’abo tubwira inkuru nziza.

2. Ni ibintu bimwebimwe ibihe biranga ivyo biganiro?

² Ibiranga ivyo biganiro: Umutwe mukuru be n’udutwe usanga vyanditswe mu buryo bw’ibibazo tuzobaza uwo tubwira inkuru nziza igihe tuyaga na we. Ivyanditswe nyamukuru biratangwa gusa ntibisubirwamwo mu majambo, kugira ngo uwo tubwira inkuru nziza ashobore guhimbarwa no kugira ico yize acisomeye mw’Ijambo ry’Imana. Ingingo ni ngufingufi kugira ngo zishobore kurimburirwa aho nyene imbere y’umuryango. Ikiganiro kimwekimwe cose gica cerekeza ku gitabu Ivyo Bibiliya yigisha kugira bidufashe kubandaniriza iyo nyigisho muri ico gitabu igihe biba bibereye.

3. Igihe twamamaza inzu ku nzu, twokoresha gute ivyo biganiro kugira ngo dutanguze inyigisho ya Bibiliya turi imbere y’umuryango?

³ Ingene twokoresha ivyo biganiro: Igihe ushikiriza ibinyamakuru, woshobora kubaza ikibazo kivyura ugushimishwa kijanye n’umutwe mukuru w’ikiganiro. Nk’akarorero, mu Munara wo ku wa 1 Nzero ico kiganiro kivuga ibijanye n’agaciro ka Bibiliya. Woshobora kubaza uti: “Woba ubona ko Bibiliya ari Ijambo ry’Imana canke ubona ko ari igitabu ciza gusa? [Rindira yishure.] Ndafise ikintu gishimishije ku bijanye n’ico kibazo.” Numwereke ikibazo ca mbere, musome ingingo ya mbere muce muraba icanditswe catanzwe. Nusubire usome ca kibazo uce umusaba agire ico abivuzeko. Nimurimbure amayagwa mukoresheje birya bibazo bifise inomero bibabere nka vyo vyiyumviro mwisunga mu kuyaga, ubwinshi bw’ivyo murimbura buvane n’ukuntu ibintu vyifashe. Imbere yo kugenda, numwereke ikibazo gikurikira mwongere mushinge isango ritomoye uzogarukirako kugira mukiganireko. Nugerageze usubireyo kugira murimbure ibindi ku bijanye n’ico kiganiro buri ndwi gushika uzanye ikiganiro co mu Munara ukurikira. Ukundi kuntu wobigenza ni ugukoresha bwa buryo burashe bwo gusaba uwo ubwira inkuru nziza ko mwokwigira hamwe Bibiliya. Nuce ukoresha mwene ico kiganiro co muri ico kinyamakuru kugira ngo umwereke ingene inyigisho igirwa.

4. Twoshobora gute gukoresha ivyo biganiro igihe tugira amasubirayo?

⁴ Urashobora kandi gukoresha mu buryo ngirakamaro ivyo biganiro bishasha igihe ugendeye abo wama ushira ibinyamakuru be n’igihe ugira ayandi masubirayo. Woshobora kuvuga gusa uti: “Hariho ikintu gishasha ugiye kuza urabona mu Munara w’Inderetsi. Reka ndakwereke ukuntu twogikoresha.” Dusenga dusaba ko ivyo biganiro bishasha vyofasha abandi benshi “bagashika ku bumenyi butagira amakosa bwerekeye ukuri.”—1 Tim. 2:4.