Amaganya

א [Alefu]

3 Ndi umuntu wabonye imibabaro+ bitewe n’inkoni y’umujinya we.

 2 Yaranshoreye anyuza mu mwijima ntiyanyuza mu mucyo.+

 3 Koko rero, akomeza kumbangurira ukuboko umunsi ukira.+

ב [Beti]

 4 Yatumye umubiri wanjye n’uruhu rwanjye bishiraho.+ Yamenaguye amagufwa yanjye.+

 5 Yanyubatseho urukuta, angotesha+ igiti cy’uburozi+ n’ingorane.

 6 Yanyicaje mu mwijima+ nk’abapfuye kera cyane.+

ג [Gimeli]

 7 Yanzitije urukuta rw’amabuye kugira ngo ntahita.+ Yambohesheje imihama y’umuringa+ iremereye.

 8 Kandi iyo ntatse nkarangurura ijwi ntabaza, akumira isengesho ryanjye.+

 9 Inzira zanjye yazifungishije amabuye aconze.+ Imihanda nyuramo yarayiyobeje.+

ד [Daleti]

10 Yambereye nk’idubu yubikiriye,+ amerera nk’intare iri mu bwihisho.+

11 Yavurunze inzira zanjye, angira nk’umurima uraye. Yangize nk’itongo.+

12 Yabanze umuheto we,+ angira intego y’umwambi we.+

ה [He]

13 Yampinguranyije impyiko akoresheje imyambi, abana bo mu kirimba cye.+

14 Abantu bose bampinduye urw’amenyo;+ bangira indirimbo yabo umunsi ukira.+

15 Yampaye ibintu byinshi bisharira.+ Yampagije igiti gisharira cyane.+

ו [Wawu]

16 Amenyo yanjye yayamenaguje umucanga.+ Yatumye nigaragura mu ivu.+

17 Nanone watereranye ubugingo bwanjye bituma butagira amahoro. Nibagiwe icyitwa icyiza cyose.+

18 Nkomeza kwibwira nti “icyubahiro cyanjye cyarayoyotse, hamwe n’ibyo nari niteze kuri Yehova.”+

ז [Zayini]

19 Ibuka akababaro kanjye n’uko ntagira aho mba,+ wibuke igiti gisharira cyane n’igiti cy’uburozi.+

20 Ubugingo bwawe buzibuka maze wuname undebe.+

21 Icyo ni cyo nzibuka mu mutima wanjye.+ Ni cyo kizatuma nkomeza gutegereza.+

ח [Heti]

22 Ibikorwa by’ineza yuje urukundo+ bya Yehova ni byo byatumye tudashiraho,+ kuko imbabazi ze zitazigera zishira.+

23 Bihinduka bishya buri gitondo.+ Ubudahemuka bwawe ni bwinshi.+

24 Ubugingo bwanjye bwaravuze buti “Yehova ni umugabane wanjye,+ ni yo mpamvu nzakomeza kumutegereza.”+

ט [Teti]

25 Yehova abera mwiza umwiringira;+ abera mwiza ubugingo bukomeza kumushaka.+

26 Ni byiza ko umuntu ategereza,+ ndetse agategereza agakiza ka Yehova+ acecetse.+

27 Ni byiza ko umugabo yikorera umugogo mu gihe cy’ubusore bwe.+

י [Yodi]

28 Niyicare ukwe akomeze aceceke+ kuko Imana yabimwikoreje.+

29 Namanuke akoze umunwa mu mukungugu.+ Ahari wenda hari ibyiringiro.+

30 Nategere itama umukubita.+ Nahage ibitutsi.+

כ [Kafu]

31 Kuko Yehova atazamutererana iteka.+

32 Kuko nubwo yateza umuntu agahinda,+ azamugirira imbabazi nk’uko ineza yuje urukundo ye ari nyinshi.+

33 Kuko nubwo yateje abantu imibabaro n’agahinda, ntibyaturutse mu mutima we.+

ל [Lamedi]

34 Kuko guhonyora+ imfungwa zose zo mu isi,+

35 Kugoreka urubanza rw’umuntu imbere y’Isumbabyose,+

36 No kurenganya umuntu mu rubanza, Yehova ntashobora kubyemera.+

מ [Memu]

37 None se ni nde wigeze avuga ngo ikintu kibeho Yehova ubwe atategetse ko kiba?+

38 Kuko mu kanwa k’Isumbabyose hataturukamo ibibi n’ibyiza.+

39 Umuntu muzima yakwinuba ate,+ umugabo w’umunyambaraga yakwinubira ate icyaha cye?+

נ [Nuni]

40 Nimucyo dusuzume inzira zacu kandi tuzigenzure,+ maze tugarukire Yehova.+

41 Nimucyo twerekeze umutima wacu ku Mana iri mu ijuru kandi tuyitegere ibiganza+ tuvuga tuti

42 “Twaracumuye turigomeka,+ ntiwatubabarira.+

ס [Sameki]

43 Wadukumirishije uburakari,+ ukomeza kudukurikirana.+ Waratwishe ntiwatugirira impuhwe.+

44 Wikingirije igicu+ kugira ngo isengesho ritakugeraho.+

45 Watugize ibicibwa n’ibishingwe mu bantu bo mu mahanga.”+

פ [Pe]

46 Abanzi bacu bose baratwasamiye.+

47 Ibiteye ubwoba n’umwobo,+ gushoberwa no kurimbuka byabaye ibyacu.+

48 Amaso yanjye akomeza gutemba imigezi y’amazi bitewe no kurimbuka k’umukobwa w’ubwoko bwanjye.+

ע [Ayini]

49 Ijisho ryanjye ryarasutswe kandi ntirizatuza, ku buryo ritazaruhuka,+

50 Kugeza ubwo Yehova azitegereza akareba hasi ari mu ijuru.+

51 Ijisho ryanjye ryigirijeho nkana ubugingo bwanjye,+ bitewe n’abakobwa bose bo mu mugi wanjye.+

צ [Tsade]

52 Abanzi banjye bampize nk’abahiga inyoni+ bampora ubusa.+

53 Bacecekeshereje ubuzima bwanjye mu rwobo,+ bakomeza kumpirikiraho amabuye.

54 Amazi yatembeye ku mutwe wanjye.+ Naribwiye nti “ndapfuye pe!”+

ק [Kofu]

55 Yehova, nambaje izina ryawe ndi mu rwobo hasi cyane.+

56 Umva ijwi ryanjye.+ Ntuhishe amatwi yawe ngo ubure kumpa agahenge no kumva ijwi ryo gutabaza kwanjye.+

57 Ku munsi nakomezaga kukwambaza waranyegereye+ urambwira uti “witinya.”+

ר [Reshi]

58 Yehova, wamburaniye urubanza rw’ubugingo bwanjye.+ Wacunguye ubuzima bwanjye.+

59 Yehova, wabonye ibibi bankoreye.+ Umburanire.+

60 Wabonye ukuntu banyihimuyeho, n’ibibi byose batekereje kungirira.+

ש [Sini] cyangwa [Shini]

61 Yehova, wumvise igitutsi bantutse n’ibibi byose batekereje kungirira,+

62 Wumvise amagambo ava mu kanwa k’abampagurukiye,+ n’ukuntu bamvugira mu byongorerano umunsi ukira.+

63 Reba uko bicara n’uko bahaguruka.+ Bangira indirimbo yabo.+

ת [Tawu]

64 Yehova, uzabiture ukurikije umurimo w’amaboko yabo.+

65 Uzatume bagira umutima winangiye,+ umuvumo wawe uzababeho.+

66 Yehova, uzabakurikire ufite uburakari ubatsembe+ munsi y’ijuru ryawe.+