Abaheburayo
6 Kubera iyo mpamvu rero, ubwo twavuye ku nyigisho z’ibanze+ ku byerekeye Kristo,+ nimucyo duhatanire gukura mu buryo bw’umwuka,+ tutongera gushyiraho urufatiro,+ ni ukuvuga kwihana imirimo ipfuye+ no kwizera Imana,+ 2 inyigisho zerekeye imibatizo,+ kurambikwaho ibiganza,+ umuzuko w’abapfuye+ n’urubanza rw’iteka.+ 3 Kandi rwose ibyo tuzabigeraho Imana nibitwemerera.+
4 Abamurikiwe rimwe na rizima+ kandi bagasogongera ku mpano yo mu ijuru,+ bagahabwa umwuka wera,+ 5 bagasogongera+ ku ijambo ryiza ry’Imana n’ibintu byo mu gihe kizaza+ bigaragaza imbaraga zayo, 6 ariko bakaba baraguye bakabivamo,+ ntibishoboka kongera kubahembura ngo bihane,+ kuko bo ubwabo baba bongeye kumanika Umwana w’Imana kandi bakamukoza isoni ku mugaragaro.+ 7 Urugero, ubutaka busoma imvura ibugwaho kenshi hanyuma bukameza imboga zo kuribwa n’ababuhinze,+ na bwo buhabwa umugisha n’Imana. 8 Ariko iyo bumezeho amahwa n’ibitovu, barabwanga ndetse hafi no kubuvuma,+ kandi amaherezo buratwikwa.+
9 Ariko mwebwe rero bakundwa, nubwo tuvuze dutyo, twemera tudashidikanya ko muri mu nzira nziza kandi ko ibyo bizabageza ku gakiza. 10 Imana ntikiranirwa ngo yibagirwe imirimo yanyu n’urukundo mwagaragaje ko mukunze izina ryayo,+ kuko mwakoreraga abera+ kandi mukaba mugikomeza kubakorera. 11 Ariko twifuza ko buri wese muri mwe agaragaza umwete nk’uwo, kugira ngo mukomeze kwizera mudashidikanya rwose+ ibyo mwiringiye+ kugeza ku iherezo,+ 12 kugira ngo mutaba abanebwe,+ ahubwo mwigane+ abazaragwa amasezerano+ binyuze ku kwizera no kwihangana.
13 Igihe Imana yahaga Aburahamu+ isezerano, kuko nta muntu ukomeye kuyirusha yashoboraga kurahira, yarirahiye+ ubwayo 14 iti “rwose no kuguha umugisha nzaguha umugisha, kandi no kukugwiza nzakugwiza.”+ 15 Uko ni ko Aburahamu yahawe iryo sezerano,+ amaze kugaragaza ukwihangana. 16 Abantu barahira umuntu ukomeye kubaruta,+ kandi indahiro yabo ni yo irangiza impaka zose, kuko iba ari gihamya bahawe yemewe n’amategeko.+ 17 Muri ubwo buryo, igihe Imana yagambiriraga kugaragariza neza kurushaho abaragwa+ b’isezerano ko umugambi wayo udakuka,+ yageretseho n’indahiro, 18 kugira ngo binyuze ku bintu bibiri bidahinduka, ibyo Imana idashobora kuvuga ibeshya,+ twebwe abahungiye mu buhungiro bw’Imana dushobore kubona inkunga ikomeye yo gukomera ku byiringiro+ byadushyizwe imbere. 19 Ibyo byiringiro+ bimeze nk’igitsika ubwato gikomeza ubugingo bwacu, ntibishidikanywaho kandi birahamye. Bituma twinjira tukarenga umwenda ukingiriza,+ 20 aho uwatubanjirije yinjiye ku bwacu,+ ari we Yesu wabaye umutambyi mukuru iteka ryose mu buryo bwa Melikisedeki.+