14 Yehova arongera arambwira ati: “Abo bahanuzi bahanura ibinyoma mu izina ryanjye.+ Sinabatumye, nta n’icyo nabategetse kandi sinigeze mvugana na bo.+ Babahanurira bababwira ibyo beretswe by’ibinyoma, bakabaragurira bababwira ibintu bidafite akamaro kandi bakabahanurira bababwira ibintu bihimbiye.*+

15 Nuko umuhanuzi Yeremiya abwira umuhanuzi Hananiya+ ati: “Hananiya we, ndakwinginze tega amatwi! Yehova ntiyagutumye, ahubwo watumye aba bantu bizera ibinyoma.+ 16 Ni yo mpamvu Yehova avuga ati: ‘umva ngiye kugukura ku isi. Uzapfa muri uyu mwaka kuko watumye abantu basuzugura Yehova.’”+

8 Yehova nyiri ingabo Imana ya Isirayeli aravuga ati: “ntimukemere ko abahanuzi n’abapfumu banyu babashuka+ kandi ntimukumve inzozi bavuga ko barose. 9 Kuko ‘babahanurira ibinyoma mu izina ryanjye, ariko si njye wabatumye,’+ ni ko Yehova avuga.”’”