8 Buluka penepo, madire apitiriza mpaka ku Gowa ya mwana wa Inoni,+ pontho mpaka kunterero kwa nzinda wa Ayebusi,+ ku Yerusalemu,+ pontho madire anewa aenda mpaka padzulu paphiri yakuti ikhali dhuzi na Gowa ya Inoni kumadokero a dzuwa, yakuti ndi nkhomo ya Gowa ya Refaimu, kunkwiriro.

12 Madire a kumadokero a dzuwa akhali Bara Ikulu*+ na gombe yace. Anewa akhali madire a dzindza ya Yuda mwakubverana na mabanja awo.

13 Mu ndzidzi wakubvuna, atatu mwa atsogoleri 30 aenda kaonana na Dhavidhi n’dzimba ya Adhulamu.+ Pa ndzidzi unoyu Afilisti akhadamanga misasa yawo ku Gowa ya Refaimu.+ 14 Dhavidhi akhali ku mbuto yakunentsa kufikako,+ pontho ku Bhetelehemu kukhali anyankhondo anango a Afilisti. 15 Dhavidhi alonga: “Ine mbandidakomerwa kakamwe kumwa madzi a mu ncera wakuti uli dhuzi na nsuwo ukulu wa ku Bhetelehemu.” 16 Penepo anyankhondo atatu amphambvu awangisira mbapita pakati pa misasa ya Afilisti, atunga madzi mu ncera wakuti ukhali dhuzi na nsuwo ukulu wa ku Bhetelehemu mbaabweresa kuna Dhavidhi; iye akhonda kumwa madzi anewa, mbaathirira pantsi ninga muoni kuna Yahova.+ 17 Iye alonga: “Yahova, ine cipo ndinacita pinthu pyenepi! Pinacitika tani kuti ine ndimwe ciropa+ ca amuna adaikha umaso wawo pangozwi?” Natenepa iye akhonda kumwa madzi anewa. Pyenepi ndi pinthu pidacita anyankhondo atatu amphambvu a Dhavidhi.