3 Awa ndi ana a Dhavidhi adabala iye ku Ebhroni:+ Wakutoma akhali Aminoni,+ wakuti mai wace akhali Ainowamu+ wa ku Yezrieli; waciwiri akhali Dhanyeli, wakuti mai wace akhali Abhigaili+ wa ku Karmelo; 2 wacitatu akhali Abhisaloni+ adabala iye na Maaka, wakuti akhali mwana wankazi wa Talimai, mambo wa ku Jesuri; wacinai akhali Adhoniya+ adabala iye na Ajiti; 3 wacixanu akhali Sefatiya, wakuti mai wace akhali Abhitali; wacitanthatu akhali Itereamu, wakuti mai wace akhali Egla nkazi wa Dhavidhi. 4 Ana atanthatu anewa a Dhavidhi abalwa ku Ebhroni; iye atonga kweneko ninga mambo mu pyaka pinomwe na miyezi mitanthatu, pontho ku Yerusalemu iye atonga ninga mambo mu pyaka 33.+

5 Awa ndi ana a Dhavidhi adabalwa ku Yerusalemu:+ Simeya, Sobhabhi, Natani+ na Salomoni.+ Ana anai anewa mai wawo akhali Bhatisebha,+ mwana wa Amiyeli. 6 Ana anango apfemba akhali: Ibhari, Elizama, Elifeleti, 7 Noga, Nefeji, Yafiya, 8 Elizama, Eliadha na Elifeleti. 9 Anewa onsene akhali ana a Dhavidhi, kusiyapo ana anango adabala iye na akazace anango,* pontho ana anewa akhali na m’bale wawo wankazi akhacemerwa Tamara.+