9 Salomoni pidamala iye kumanga nyumba ya Yahova, nyumba ya mambo+ na pyonsene pikhafuna iye kucita,+ 2 Yahova aonekera pontho kuna Salomoni paulendo waciwiri, ninga pidacita iye ku Jibheyoni.+ 3 Yahova ampanga: “Ine ndabva phembero yako na phembo idacita iwe kuna ine toera kubverwa ntsisi. Ndacenesa nyumba iyi idamanga iwe, dzina yanga inakhala mwenemu+ kwenda na kwenda, pontho maso anga na ntima wanga pinakhala mwenemu ndzidzi onsene.+