34 Iye apitiriza kucita pinthu pyadidi pamaso pa Yahova, ninga pikhacita Uziya wakuti ndi babace.+ 35 Mbwenye iye nee afudza mbuto zaulambiri, pontho anthu akhapitiriza basi kupereka ntsembe mbacitisa kuti utci wa ntsembe zenezi uende kuna alungu awo.+ Pontho ndiye adamanga nsuwo ukulu wapadzulu wa panyumba ya Yahova.+

3 Uziya+ akhali na pyaka 16 pyakubalwa pidakhazikiswa iye ninga mambo, pontho atonga pyaka 52 mu Yerusalemu. Mai wace akhali wa ku Yerusalemu,+ iye akhacemerwa Yekoliya. 4 Iye akhacita pinthu pyadidi pamaso pa Yahova ninga pidacita Amaziya+ wakuti ndi babace.