8 Buluka penepo Amani apanga Mambo Asuwero: “Pana mbumba ibodzi idamwazika mbibalalika pakati pa anthu+ a m’maprovinsya onsene anatonga imwe.+ Mitemo ya mbumba ineyi ndi yakusiyana na ya anthu anango onsene, pontho iyo nkhabe kubvera mitemo ya mambo. Natenepa si pyadidi tayu kuti mambo musiye tenepo mbumba ineyi. 9 Khala ndi pyadidi kuna imwe mambo, tawirisani kuti ukhazikiswe ntemo toera kupha mbumba ineyi. Ine ndinadzapereka kuna atsogoleri matalento* 10.000 a parata toera aaikhe m’mbuto yakukoyera mpfuma ya mambo.”*