26 Akhalipo anyakuonera misuwo anai amphambvu akuti akhaphata basa thangwi yakunyindirika kwawo. Iwo akhali Alevi, akhali na basa yakuonera mbuto zinadyera anthu, na yakuonera mpfuma ya panyumba ya Mulungu wandimomwene.+ 27 Iwo akhaphuphudza mu mbuto zawo, n’khundu mwa nyumba ya Mulungu wandimomwene thangwi akhali na basa yakuonera. Pontho iwo akhadapaswa xavi, natenepa iwo akhafungula nyumba ntsiku zonsene namacibese.