• Mateu 9:3, 4
    Bhibhlya ya Dziko Ipswa

    • 3 Mbwenye anyakudziwisa mwambo anango anyerezera muntima mwawo: “Munthu uyu akuxola Mulungu.” 4 Yezu adziwa manyerezero awo, mbaapanga: “Thangwi yanji musanyerezera pinthu pyakuipa mʼmitima yanu?+

  • Marko 2:6-8
    Bhibhlya ya Dziko Ipswa

    • 6 Pa ndzidzi unoyu, apfundzisi a mwambo anango akhali penepo, iwo akhali nawa mbakanyerezera mʼmitima yawo:+ 7 “Thangwi yanji munthu uyu akulonga tenepo? Iye akuxola Mulungu. Mbani unango anakwanisa kulekerera madawo kusiyapo Mulungu?”+ 8 Mbwenye mwakucimbiza Yezu adzindikira pinthu pikhanyerezera iwo, natenepa iye aabvundza: “Thangwi yanji musanyerezera pinthu pyenepi mʼmitima yanu?+

  • Juwau 1:47, 48
    Bhibhlya ya Dziko Ipswa

    • 47 Yezu aona Natanieli akhabwera kuna iye, mbalonga thangwi ya iye: “Onani, uyu ndi Muizraeli wandimomwene, mwa iye nkhabemo uthambi.”+ 48 Natanieli ambvundza: “Musandidziwa tani?” Yezu antawira: “Ine ndakuona pikhali iwe pantsi pamuti wa nsambvu, Filipi mbadzati kukucemera.”

  • Juwau 6:64
    Bhibhlya ya Dziko Ipswa

    • 64 Mbwenye alipo anango pakati panu anakhonda kukhulupira.” Thangwi kubulukira pakutoma Yezu akhadziwa kuti mbani adakhonda kukhulupira, na ule akhafuna kunsandukira.+

  • Apokalipse 2:23
    Bhibhlya ya Dziko Ipswa

    • 23 Ine ndinadzapha anace na utenda wakugopswa, natenepa, mipingo yonsene inadzadziwa kuti ndine ule wakuti asadinga manyerezero* na mitima, pontho ndinadzakubwezerani mʼbodzi na mʼbodzi mwakubverana na pidacita imwe.+