Web Site Yathu Yakudziwika—Yacitwa Toera Kuphindulisa Ife Na Anango

Yezu atituma toera kumwaza mphangwa zadidi za Umambo pa dziko yonsene yapantsi kuti zikhale umboni “pakati pa anthu a mitundu yonsene.” (Mat. 24:14) Toera kutiphedza ‘kukwanirisa makhundu onsene a utumiki wathu,’ Web site watchtower.org, jw-media.org, na jw.org zaphatanizwa mbicitwa Web site ipswa, jw.org.—2 Tim. 4:5.

‘Pa Dziko Yonsene Yapantsi’: Pa dziko yonsene yapantsi, munthu m’bodzi pa anthu atatu asaphatisira Interneti. Interneti ndi mbuto yakutoma inagumanika mphangwa kwa anthu azinji, makamaka kwa aphale na atsikana. Web site yathu isapereka matawiro andimomwene a mibvundzo ya Bhibhlya kwa anaphatisira Interneti. Isaapangiza gulu ya Yahova na pisakhala pyakukhonda nentsa kwa iwo kuphemba pfundziro ya Bhibhlya ya panyumba yakukhonda kulipa. Web site yathu isacitisa kuti mphangwa zadidi zifike ku mbuto zakuti anthu ali na miyai yakucepa toera kubva mphangwa za Umambo.

“Anthu A Mitundu Yonsene”: Toera kupereka umboni kwa “anthu a mitundu yonsene,” tisafunika kumwaza undimomwene wa Bhibhlya mu pilongero pyakusiyana-siyana. Anyakuona Web site, jw.org mwakukhonda nentsa anakwanisa kugumana mphangwa mu pilongero pyakukwana 400, mu kupiringana Web site zinango zonsene.

Iphatisireni Mwadidi: Web site ipswa, jw.org nee iri na cifuniro cakupereka umboni kwa anthu akukhonda khulupira basi tayu. Yacitwa toera kuphatisirwambo na Mboni za Yahova. Khala musaphatisira Interneti, tisakuwangisani toera kudziwa mwadidi Web site jw.org. Maonero anatowerera ndi toera kupangiza kuti inaphatisirwa tani.

[Cithundzithundzi pa tsamba 3]

Citani Ipi

 1 Lembani www.jw.org pa mbuto yakusaka mafala mu ntcini wanu wandzeru.

 2 Onani site mu kupfinya pa misolo ming’ono, pa menu toera kusankhula, na kuona.

 3Yeserani kuphatisira jw.org mu ntcini wanu, peno ntokodzi wakuti usaphatisira Interneti. Tsamba ya mafala isabuluka yakucepa, mbwenye mphangwa ndi zibodzi zene.