Auega
א [Alefa]
1 E! ua nofo toʻatasi o ia,+ o le aai sa tumu i tagata!+
Ua avea o ia e pei o se fafine ua oti lana tane,+ o ia o lē na lauiloa i atunuu!+
Sa avea o ia ma purinisese i itumalo, a ua faatigāina i galuega mamafa!+
ב [Peta]
2 Ua matuā tagi lava o ia i le pō,+ ua i ona alafau ona loimata.+
Ua leai se isi mai i ē uma ua alolofa iā te ia e faamāfanafana iā te ia.+
Ua faaʻoleʻole iā te ia o ana aumea uma lava.+ Ua avea foʻi i latou ma ona fili.+
ג [Gimela]
3 Ua ave faapagota Iuta ona o le puapuaga,+ ma ona o le tele o galuega mamafa.+
Sa nofo o ia faatasi ma nuu.+ Ua lē maua foʻi e ia se mea e mapu ai.
O i latou uma foʻi na faasauā iā te ia, na latou maua o ia i tulaga mafatia.+
ד [Taleta]
4 Ua faavauvau ala o Siona, auā e leai nisi o ō mai i le tausamiga.+
Ua tuufua ona faitotoʻa uma;+ ua ōi foʻi ona ositaulaga.+
Ua matuā faanoanoa ona taupou ma ua ootia lava o ia.+
ה [He]
5 Ua sili lava o ē e ita iā te ia.+ Ua lē manatu mamafa foʻi ona fili.+
Auā o Ieova lava ia na aumaia tigā iā te ia, ona o le tele o ana solitulafono,+
Ua ave faapagota foʻi lana fanau i luma o le fili.+
ו [Vau]
6 Ua mavae atu le matagofie uma o le tama teine a Siona.+
Ua avea ona perenise e pei o ni ʻaila ua leai se laufanua e aai ai;+
Ua latou savavali pea foʻi ua leai so latou malosi, i luma o lē o loo tuliloa mai.+
ז [Saina]
7 Ua manatua e Ierusalema i aso o lona puapuaga, ma le leai o se mea e nonofo ai lona nuu
O ana mea fiafia uma sa iai i aso anamua.+
Ina ua paʻuʻū lona nuu i lima o lē na ita mai, ma ua leai sona fesoasoani,+
Na iloa atu o ia e i latou e ita iā te ia. Ona latou taliē lea ina ua paʻū o ia.+
ח [Heta]
8 Ua matuā agasala lava Ierusalema.+ O le mea lea ua avea ai o ia o se mea inosia.+
O i latou uma na āva iā te ia, ua taʻufaatauvaaina o ia,+ auā ua latou iloa atu lona lē lavalavā.+
Ua ōi foʻi o ia+ ma ua liliu mai lona tua.
ט [Teta]
9 Ua i ona pito ofu lona lē mamā.+ E leʻi manatua e ia lona lumanaʻi,+
Ma ua matuā paʻū leaga o ia. E leai sē na faamāfanafana iā te ia.+
Ieova e, ia e silasila mai i loʻu puapuaga,+ auā ua faasausili mai le fili.+
י [Iota]
10 Ua faaloaloa atu e lē ua ita lona lima i ana mea tāua uma.+
Auā ua vaaia e ia o atunuu ua ulufale mai i lona malumalu,+
O ē na e poloaʻi i ai e aua neʻi ō ane i lau faapotopotoga.
כ [Kafa]
11 Ua mapuitigā lona nuu uma; o loo saʻili i latou mo ni meaʻai.+
Ua latou tuuina atu a latou mea tāua mo ni meaʻai, ina ia toe malolosi ai i latou.+
Ieova e, silasila mai ma ia e silafia ai, auā ua avea aʻu e pei o se fafine e lē aogā.+
ל [Lameta]
12 Po o se meanoa ea iā te outou uma o ē e ui ane i le ala? Inā vaavaai ia ma iloa ai.+
Pe e iai ea se tigā e pei o loʻu tigā na faasalaina ai aʻu,+
Lea na faatigāina ai aʻu e Ieova i le aso o lona toʻasā aasa?+
מ [Mema]
13 Ua auina mai e ia le afi mai i lugā i totonu o oʻu ivi,+ ma ua ia faatoʻilaloina ai oʻu ivi taʻitasi.
Ua ia fofola le upega mo oʻu vae.+ Ua ia toe faafoʻi iā te aʻu i tua.
Ua ia faia foʻi aʻu e pei o se fafine ua nofo toʻatasi. Ua ou maʻi i le aso atoa.+
נ [Nuna]
14 Ua mataala pea o ia i oʻu solitulafono.+ Ua ia fili faatasi i lona aao oʻu solitulafono.
Ua oo aʻe i loʻu ua.+ Ua faavaivaia foʻi loʻu malosi.
Ua tuuina atu aʻu e Ieova i lima o i latou o ē e lē mafai ona ou tū atu ai.+
ס [Sameka]
15 Ua lafoaʻi e Ieova oʻu tagata malolosi uma mai iā te aʻu.+
Ua ia taloina se fono faasaga iā te aʻu, ina ia tuʻimomomo ai oʻu tauleleʻa.+
Ua solia foʻi e Ieova le soligavine+ a le taupou o le tama teine a Iuta.+
ע [Oina]
16 Ua ou tagi e pei o se fafine ona o nei mea.+ Ua tafe ifo vai mai i oʻu mata, o oʻu mata lava.+
Auā ua taumamao ma aʻu sē e faamāfanafana mai, o sē e toe faamalosia aʻu.
O laʻu fanau foʻi ua nonofo na o i latou,+ auā ua fai e le fili upu faasausili.+
פ [Pe]
17 Ua faaloaloa atu e Siona ona lima.+ E leai foʻi sē e faamāfanafana iā te ia.+
Ua poloaʻi mai foʻi Ieova iā i latou uma o loo siʻomia Iakopo, ina ia gaoioi e pei o ni ona fili.+
Ua avea Ierusalema ma mea inosia iā i latou.+
צ [Sati]
18 E amiotonu Ieova,+ auā ua ou fouvale i lana poloaʻiga.+
Inā faalogo mai ia outou uma ma vāai mai i loʻu tigā.
Ua ave faapagota oʻu taupou ma oʻu tauleleʻa.+
ק [Kofa]
19 Ua ou valaau atu iā i latou o ē e matuā alolofa iā te aʻu.+ A ua latou ʻolegia aʻu.
Ua feoti oʻu ositaulaga ma oʻu toeaina i le aai,+
A o latou saʻili mo ni meaʻai mo i latou lava, ina ia toe malolosi ai i latou.+
ר [Resa]
20 Ieova e, inā silasila mai ia, auā ua ou matuā puapuagatia lava. Ua tigā loʻu manava.+
Ua tigā loʻu loto i totonu iā te aʻu,+ auā ua ou matuā fouvale lava.+
I fafo, ua faavauvau le fanau ona o le pelu.+ O totonu foʻi o le fale ua pei o le oti.+
ש [Sini]
21 Ua faalogo tagata i loʻu ōi e pei o se fafine.+ Ae e leai sē e faamāfanafana iā te aʻu.+
Ua faalogo oʻu fili uma i loʻu puapuaga.+ Ua fiafia i latou auā o oe lava na e faia lenei mea.+
E te faaoo mai lava le aso na e folafola mai,+ e pei ai i latou o aʻu.+
ת [Tau]