Mapisarema

19 Matenga anozivisa kubwinya kwaMwari;+

Nzvimbo huru yokudenga inozivisa basa remaoko ake.+

 2 Zuva rimwe pashure perimwe zuva rinoita kuti kutaura kubude,+

Usiku humwe pashure pohumwe usiku hunoratidza zivo.+

 3 Hapana kutaura, uye hapana mashoko;

Hapana inzwi razvo rinonzwika.+

 4 Tambo yazvo yokuyeresa yakabuda ikaenda munyika yose,+

Uye mashoko azvo kumugumo wenyika inobereka.+

Akadzika tende mazviri nokuda kwezuva,+

 5 Rinoita somunhu ari kuroora paanenge achibuda muimba yake yomuchato;+

Rinopembera nomufaro sezvinoita munhu ane simba kuti amhanye mugwara.+

 6 Rinobuda richibva kune mumwe mugumo wematenga,

Kutenderera kwaro kunogumira kune mimwe migumo yawo;+

Hapana chakavanzwa pakupisa kwaro.+

 7 Mutemo+ waJehovha wakakwana,+ unodzosa mweya.+

Chiyeuchidzo+ chaJehovha chakavimbika,+ chinochenjedza asina zivo.+

 8 Mirayiro+ inobva kuna Jehovha yakarurama,+ inoita kuti mwoyo ufare;+

Murayiro+ waJehovha wakachena,+ unoita kuti maziso apenye.+

 9 Kutya+ Jehovha kwakachena, kunoramba kuripo nokusingaperi.

Zvakatongwa+ naJehovha ndezvechokwadi;+ zvakaratidza kuti zvakarurama.+

10 Zvinodiwa kupfuura ndarama, chokwadi kupfuura ndarama yakawanda kwazvo yakanatswa;+

Uye zvinotapira kupfuura uchi,+ nouchi hunoyerera hwomumazinga.+

11 Uyewo, mushumiri wenyu akanyeverwa nazvo;+

Kuzvichengeta kunounza mubayiro mukuru.+

12 Kukanganisa—ndiani angakuziva?+

Itii handina mhosva yezvivi zvakavanzika.+

13 Dzorai mushandi wenyu kuti arege kuita mabasa okuzvikudza;+

Musaarega achindikunda.+

Kana zvakadaro ndichava akakwana,+

Ndichange ndaramba ndisina mhosva yokudarika kuzhinji.

14 Mashoko omuromo wangu nokufungisisa kwomwoyo wangu+

Ngazvive zvinofadza pamberi penyu, haiwa Jehovha, Dombo+ rangu noMudzikinuri wangu.+