Mapisarema

 2 Haiwa Mwari wangu, ndakavimba nemi;+

Haiwa dai ndikasanyadziswa.

Vavengi vangu ngavarege kupembera nomufaro pamusoro pangu.+

 3 Uyewo, hapana achanyadziswa pane vaya vanotarisira kwamuri.+

Vanonyengera vasingabudiriri ndivo vachanyadziswa.+

 4 Itai kuti ndizive nzira dzenyu, haiwa Jehovha;+

Ndidzidzisei makwara enyu.+

 5 Ndifambisei muchokwadi chenyu mundidzidzise,+

Nokuti muri Mwari wangu woruponeso.+

ו [Waw]

Ndakatarisira kwamuri zuva rose.+

 6 Yeukai ngoni dzenyu,+ haiwa Jehovha, nomutsa wenyu worudo,+

Nokuti zvave zviripo kubvira kunguva isingagumi.+

 7 Haiwa musayeuka zvivi zvandakaita ndichiri muduku uye kumukira kwangu.+

Ndiyeukei maererano nomutsa wenyu worudo,+

Nokuda kwokunaka kwenyu, haiwa Jehovha.+

 8 Jehovha akanaka uye akarurama.+

Ndokusaka achirayiridza vatadzi nezvenzira yakarurama.+

 9 Achaita kuti vanyoro vafambe mune zvaakatonga,+

Uye achadzidzisa vanyoro nzira yake.+

10 Makwara ose aJehovha mutsa worudo nechokwadi

Kune vaya vanochengeta sungano+ yake nezviyeuchidzo zvake.+

11 Nokuda kwezita renyu, haiwa Jehovha,+

Kanganwiraiwo kukanganisa kwangu, nokuti kukuru.+

12 Zvino, ndiani munhu anotya Jehovha?+

Iye achamurayiridza nezvenzira yaachasarudza.+

13 Mweya wake uchagara mune zvakanaka,+

Vana vake vachaita kuti nyika ive yavo.+

14 Kuva shamwari yepedyo yaJehovha ndokwevaya vanomutya,+

Uyewo sungano yake, kuti aite kuti vaizive.+

15 Maziso angu anotarira kuna Jehovha nguva dzose,+

Nokuti ndiye anobudisa tsoka dzangu mumambure.+

16 Tendeudzirai chiso chenyu kwandiri, mundinzwire nyasha;+

Nokuti ndiri ndoga uye ndinotambudzika.+

17 Kutambudzika kwomwoyo wangu kwawanda;+

Haiwa ndibudisei munhamo dzangu.+

18 Onai kutambudzika kwangu nokunetseka kwangu,+

Moregerera zvivi zvangu zvose.+

19 Onai kuti vavengi vangu vawanda sei,+

Uye vandivenga nokuvenga kwechisimba.+

20 Rindai mweya wangu mundinunure.+

Dai ndikasanyadziswa, nokuti ndakapotera kwamuri.+

21 Kuvimbika nokururama ngazvindichengetedze,+

Nokuti ndakatarisira kwamuri.+