Mapisarema

Kumutungamiriri. Maskiri. Rwiyo rwaDhavhidhi, Dhoegi muEdhomu paakauya, akaudza Sauro uye akati kwaari Dhavhidhi akanga asvika kumba kwaAhimereki.+

52 Unozvirumbidzirei pamusoro pezvakaipa, haiwa iwe ane simba?+

Mutsa worudo waMwari uripo zuva rose.+

2 Rurimi rwako runoronga kuti pave nenhamo, rwakapinza sechisvo,+

Runoshanda ruchiita zvokunyengera.+

3 Wakada zvakaipa kupfuura zvakanaka,+

Wakada nhema kupfuura kutaura zvakarurama.+ Sera.

4 Wakada mashoko ose okuparadza,+

Haiwa iwe rurimi runonyengera.+

5 Mwari achakuputsawo nokusingaperi;+

Achakuwisira pasi okubvisa patende rako,+

Achakudzura munyika yevapenyu.+ Sera.

6 Vakarurama vachazviona uye vachatya,+

Vachamuseka.+

7 Tarirai, uyu ndiye murume asingaiti kuti Mwari ave nhare yake,+

Asi anovimba nokuwanda kwepfuma yake,+

Anovanda munhamo dzinoitwa naye.+

8 Asi ini ndichaita somuorivhi wakasvibirira+ uri mumba maMwari;

Ndinovimba nomutsa worudo waMwari nokusingagumi, kunyange nokusingaperi.+

9 Ndichakurumbidzai nokusingagumi, nokuda kwemabasa amakaita;+

Ndichava netariro muzita renyu, nokuti zvakanaka, pamberi pevakavimbika venyu.+