Bhuku Rekutanga reMakoronike
16 Saka vakapinda neAreka yaMwari wechokwadi, vakaiisa mutende rayakanga yadzikirwa naDhavhidhi;+ uye vakapa zvibayiro zvinopiswa nezvibayiro zverugare pamberi paMwari wechokwadi.+ 2 Dhavhidhi paakapedza kupa zvibayiro zvinopiswa+ nezvibayiro zverugare,+ akakomborera vanhu muzita raJehovha. 3 Uyewo akapa vaIsraeri vese, murume wese nemukadzi wese chingwa cheraundi, nekeke remichero yemichindwe, nekeke remazambiringa akaomeswa. 4 Akabva agadza vamwe vaRevhi kuti vashumire pamberi peAreka yaJehovha,+ kuti vakudze,* vaonge, uye varumbidze Jehovha Mwari waIsraeri. 5 Asafi+ ndiye aiva mukuru wavo, achiteverwa naZekariya; uye Jeyieri, Shemiramoti, Jehieri, Matitiya, Eriyabhi, Bhenaya, Obhedhi-edhomu, naJeyieri+ ndivo vairidza zviridzwa zvine tambo neudimbwa;+ uye Asafi airidza simbi dzinorovaniswa,+ 6 vapristi Bhenaya naJahazieri vachiridza mabhosvo nguva dzese pamberi peareka yesungano yaMwari wechokwadi.
7 Pazuva iroro Dhavhidhi ndipo paakanyora kekutanga rwiyo rwekutenda Jehovha akarayira Asafi+ nehama dzake kuti varuimbe vachiti:
10 Zvirumbidzei pamusoro pezita rake dzvene.+
Mwoyo yevaya vari kutsvaga Jehovha ngaifare.+
11 Tsvagai Jehovha+ uye simba rake.
Tsvagai chiso chake* nguva dzese.+
12 Yeukai mabasa anoshamisa aakaita,+
Zvishamiso zvake nemitongo yaakazivisa,
13 Imi vana* vemushumiri wake Israeri,+
Imi vanakomana vaJakobho, vakasarudzwa.+
Mitongo yake iri munyika yese.+
15 Yeukai sungano yake nekusingaperi,
Vimbiso yaakaita* kuzvizvarwa zvine chiuru,+
16 Sungano yaakaita naAbrahamu,+
Nemhiko yaakapika kuna Isaka,+
17 Yaakadzika semurau kuna Jakobho,+
Uye sesungano inogara nekusingaperi kuna Israeri,
18 Achiti, ‘Ndichakupa nyika yeKenani+
Kuti ive nhaka yako yawakapiwa.’+
20 Vaifamba vachibva kune rumwe rudzi vachienda kune rumwe,
Vachibva kune humwe umambo vachienda kune vamwe vanhu.+
21 Haana kurega mumwe munhu achivadzvinyirira,+
Asi akatsiura madzimambo nekuda kwavo,+
22 Achiti, ‘Musabata vazodziwa vangu,
Uye musaitira vaprofita vangu zvakaipa.’+
23 Imbirai Jehovha, imi nyika yese!
Zivisai ruponeso rwake zuva nezuva!+
24 Zivisai kukudzwa kwake pakati pemarudzi,
Nemabasa ake anoshamisa pakati pevanhu vese.
25 Nekuti Jehovha mukuru uye akanyatsokodzera kurumbidzwa.
Anoshamisa kupfuura vamwe vanamwari vese.+
28 Ipai Jehovha zvakamukodzera, imi mhuri dzemarudzi,
Ipai Jehovha zvakakodzera kukudzwa kwake nesimba rake.+
Kotamirai* Jehovha makapfeka zvishongo zvitsvene.*+
30 Dederai pamberi pake, imi nyika yese!
Nyika* yakanyatsosimbiswa, zvekuti haigoni kubviswa pairi.*+
32 Gungwa ngaritinhire pamwe chete nezvese zvizere mariri;
Masango ngaapembere nemufaro nezvese zviri maari.
35 Itii, ‘Tiponesei, haiwa Mwari weruponeso rwedu,+
Tiunganidzei mutinunure pamarudzi,
Kuti tionge zita renyu dzvene+
Uye tikurumbidzei tichipembera nemufaro.+
36 Jehovha, Mwari waIsraeri, ngaarumbidzwe
Nariini nariini.’”
Vanhu vese vakabva vati, “Ameni!”* uye vakarumbidza Jehovha.
37 Dhavhidhi akabva asiya Asafi+ nehama dzake ipapo pamberi peareka yesungano yaJehovha kuti vashumire vari pamberi peAreka nguva dzese,+ sezvaifanira kuitwa zuva rimwe nerimwe.+ 38 Obhedhi-edhomu nehama dzake 68, uye Obhedhi-edhomu mwanakomana waJedhutuni naHosa vaiva varindi vepagedhi. 39 Akaisa mupristi Zadhoki+ nevamwe vapristi pamberi petebhenekeri yaJehovha panzvimbo yakakwirira kuGibhiyoni+ 40 kuti vape zvibayiro zvinopiswa kuna Jehovha nguva dzese paatari yekupisira zvibayiro, mangwanani nemanheru, uye kuti vaite zvese zvakanyorwa muMutemo waJehovha zvaakarayira Israeri.+ 41 Ivava vaiva pamwe chete naHemani naJedhutuni+ nevamwe varume vese vakaita zvekusarudzwa nemazita avo kuti vaonge Jehovha,+ nekuti “rudo rwake rusingachinji runogara nekusingaperi”;+ 42 vaiva pamwe chete naHemani+ naJedhutuni kuti varidze mabhosvo, nesimbi dzinorovaniswa nezviridzwa zvaishandiswa kurumbidza Mwari* wechokwadi; uye vanakomana vaJedhutuni+ vaiva pagedhi. 43 Vanhu vese vakabva vaenda kudzimba dzavo, uye Dhavhidhi akaenda kunokomborera veimba yake.